YOHANES 18:1 - Alkitab Singog In Mongondow Masa In Tanaa

¹ Naonda in ki Yesus nosambayang mako natua, Sia takin murí-Nea mita minayádon kon ḷoḷan Ongkag in Kidron. Kon tua oyúon in tobatú taman, bo ki Yesus takin murí-Nea mita sinumuot kon taman tatua.

YOHANES 18:1 Iomraidhean Croise

KINOBAḺIAN 2:15

Onda intua sinampatdon i Tuhan Allah in intau tatua kon taman Eden sin monompia bo moḷukad kon taman tatua.

KINOBAḺIAN 3:23

Dá ki Tuhan Allah in nopoguntun kon i monia nongkon taman Eden bo nopotabá moramuji mogaid nongkon butá inta pinomiaan kon inia tontaní.

SAMUEL 2 15:23

Bayongan in intau nongombaḷ totok naonda in tontara mita i Daud nonaḷámai kon kotá. Onda intua ki datu iḷumoḷan kon tapá in Ongkag in Kidron dinuduian in bayongan in tontaranea, bo minayádon in mosia nopobayá ná padang gurun.

DATU MITA IMITÁNEA 15:13

Ki baainea, ki Maakha in pinogogainea nongkon ḷoḻitúannea nobaḻí iná in datu sin sia in nomiadon kon patong berhala inta moraat sin mosumba kon i Asyera, dewi inta mokoḷumbá. Inumpag i Asa in berhala tatua bo poḷat sinubá kon Ḷopá in Kidron.

DATU MITA IMITÁNEA 2:37

Aka iko mokobaḻí ḷumuai bo mayá ḻimimpat kon tapá in Ongkag in Kidron, yo iko in mustibí ḻimodon; bo ikodon tontaní in motanggung kon taḷá tatua.”

DATU MITA 2 23:12

Mezbah mita inta pinosindog in datu mita in Yohuda kon atop kon ḻimonik mita in gopot i Datu Ahas in irimumud. Ná doman tua in mezbah mita inta pinosindog i Datu Manasye kon bosí posiḷosi in Baḷoi Tuhan, irimumud i Yosia, bo iḷumbú kon Ḷopá in Kidron.

DATU MITA 2 23:4

Nopaḷut mako kon tua ki datu in nomarenta kon i Imang Moḷoben ki Hilkia, imang mita mogogopod bo moḷoḷukad inta nopobayá in oaidan kon ngara in Baḷoi Tuhan, sinbá mopoḷuai nongkon baḷoi tatua in bayongan pakakat inta pinaké posumbaan kon i Baal Dewi Asyera, bo tundi mita. Bayongan in pakakat mita tatua sinubá i Datu Yosia kon ḷuai in kotá kon diug in Ḷopá in Kidron, bo ḷobudnea in dinia kon Betel.

DATU MITA 2 23:6

Patong mita i Dewi Asyera pinoḷuainea nongkon bonu Baḷoi Tuhan, bo dinia kon ḷuai in kotá kon Ḷopá in Kidron. Kon tua patong tatua sinubá, bo buingnea in dinodok kino rumomok, bo ḷobudnea in pinorarit kon tudu in poḷoḷobongan kon intau mita.

TAWARIKH 2 15:16

Noiduduimai kon tua ki Datu Asa nopogogai kon i baainea ki Maakha nongkon ḷoḻitúannea saḷaku ki iná in datu sin nomiadon in sia kon patong berhala inta mokotor kon i Asyera, Dewi in koḷumbaan. Ki Asa in nogumpag bo norimumud kon patong tatua bo sinubánea kon Ḷopá in Kidron.

TAWARIKH 2 30:14

Mezbah mita kon Yerusalem inta pinaké sin moposumba in kuruban bo motubá kon dupa kon i dewa mita, komintandon ginamá bo iḷumbú kon bonu in Ḷopá in Kidron.

NEHEMIA 2:15

Dá kami in nosiḻig kon Ḷopá in Kidron bo nongingguput kon bobayáan doḷom tua, sindaḷan monaridi kon dinding in kotá. Onda intua kami nomurow bo nobui kon kotá nongin Bonawang Ḷopá.

YEREMIA 31:40

Sinangkub in ḷopá tatua, inta pinaké saḷaku poḷoḷobongan bo tampat poḷoḷumbúan kon apat, bo bayongan in gobá tudunea kon bingkí in Ongkag in Kidron modapot kon Bonawang in Kabaḷo mopobayá ná pomukaan, in pinotondídon kon i-Nakó. Kotá in Yerusalem in diábí rumbunon bui andeka rimumudon.”

IMAMAT 2:6

Roti inta pinosumba tatua musti ḷosi-ḷosion, bodongka popobutakan in ḷana zaitun.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

MATIUS 26:36

Onda intua ki Yesus bo murí-Nea mita minayá in tampat inta tangoinea Getsemani. Bo sia in noguman kon murí-Nea mita, “Ḻitúdon kon naa, sin Akuoi in mayápa mosambayang kon tua.”

MARKUS 14:26

Noiduduimai kon tua mosia nopodondong in tobatú dondong dodayow. Nopaḷut mako kon tua mosia minayádon in Buḷud Zaitun.

MARKUS 14:32

Mosia in noiyaputdon in tobatú tampat inta sinangoian Getsemani, kon tua ki Yesus noguman kon murí-Nea mita, “Ḻitúpa kon naa sin Akuoi mayápa mosambayang!”

MARKUS 14:42

Pobangondon, koḻigai mayádon in kita. Indoiai! Intau inta moposarakan kon i-Nakó niondon!”

YOHANES 14:31

Tongá tua mita musti mobaḻí bá kotaauan in dunia naa kon Akuoi in motabibí kon i Amá bo mogaid doman kon bayongan inta pinarenta i Amá kon i-Nakó. Yo, koḻigai mayádon in kita nongkon naa.”

YOHANES 18:26

Tobatú ata i imang moḷoben, inta ginaḷum in intau inta bongoḷannea pinongkó i Petrus, noguman, “Diábí moyotaḷá kon ikobí naa inta inontongku noyotakin in Intau tatua kon taman?”

OUMAN IN RASUL MITA 21:11

Sia in namangoi kon inami bo nogamá kon togot in ogotan i Paulus. Togot in ogotan tatua pinakénea pinotokig kon sioḷ bo ḻimanea tontaní bo nosingog, “Naadon inta pinoguman in Roho i Allah: Ki togi togot in ogotan tanaa in togoton nanaa in intau mita in Yahudi kon Yerusalem bo posarakan kon intau mita inta deeman Yahudi.”