YOHANES 17:3 - Alkitab Singog In Mongondow Masa In Tanaa

³ Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 17:3 Iomraidhean Croise

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 15:3

Noonggot totok in Israel diá nosumba kon i Allah inta mobanar, diá kohukum mita inta musti duduian, bo diá doman ko imang mita inta motundú kon i monia.

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

AMSAL 8:35

Ki ine in mokouḻí kon inakó, mokouḻí kon kobiagan, sia in kinoibog i Tuhan.

YESAYA 48:16

Angoidon diug kon i-Nakó bo indongogaidon, nongkon dungkuḷpabímai diábí bunion-Ku in tosingogon-Ku; onu in siningog-Ku umuranbí pototuu-Ku.” Tanaa in ki Tuhan Allah nopotabá kon inakó bo nobogoi kon inakó in kawasa-Nea tontaní.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

MARKUS 9:37

“Intau inta motarima kon tobatú adí ná tanaa popisí in nopirisaya kon i-Nakó, yo tua in mangaḻenea sia in notarima kon i-Nakó. Bo intau inta notarima kon i-Nakó, sia tua in deemanbí tongá notarima kon i-Nakó, táe notarima domandon kon i-Nia inta nopotabá kon i-Nakó.”

LUKAS 9:48

Bo Sia in noguman kon murí-Nea mita, “Intau inta notarima kon adí tanaa sin nokotorop kon i-Nakó, yo tua in mangaḻenea sia notarima kon i-Nakó; bo ki ine in notarima kon i-Nakó, yo sia in notarima doman kon i-Nia inta nopotabá kon i-Nakó; sin ki ine moompá in dodia kon sigad monimu komintan, yo siabí tua in moḷobe-ḷoben!”

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.

YOHANES 11:42

Kinotaauan-Kubí kon umuran-Mubí indongogan in Akuoi, táe singogon-Ku in naa, kon tayowon in intau mita inta kon naa, sinbá mopirisaya in mosia kon Ikobí in nopotabá mangoi kon i-Nakó.”

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YOHANES 17:18

Ná ki Amá nopotabá kon i-Nakó namangoi in dunia naa, dá natua doman in Akuoi mopotabá kon i monia kon dunia naa.

YOHANES 17:21

Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

YOHANES 17:25

Amá inta moadil! Diá kinotaauan in dunia naa in ki Amá, táe Akuoi in nonotaaubí kon i Amá bo intau mita tanaa in nonotaau bidon kon ki Amábí in nopotabá kon i-Nakó.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YOHANES 6:57

Ki Amá inta nobiag tua, in nopotabá kon i-Nakó, bo Akuoi doman in nobiagbí nongkon i Amá. Natua doman in intau inta mokaan kon awak-Ku, sia in mobiagbí doman nongkon i-Nakó.

YOHANES 7:29

Táe Akuoi in nonotaaubí kon i-Nia, sin Akuoi in nongkon i-Nia, bo Siabí tua in nopotabá kon i-Nakó.”

YOHANES 8:19

Dá iḻibó monia, “Kon onda in ki Amá-Mu tua?” Ki Yesus in notubag: “Akuoi ande ki Amá-Ku in tumpaḷa diá kinotaauan monimu. Aka kuma bo kinotaauan monimu in Akuoi, yo tantú kotaauan bidon monimu in ki Amá-Ku.”

KORINTUS 1 15:34

Mokoposadardon in tanaa, bo donaaidon mogaid kon inta diá mopia. Sabanarnea in bá mustibí mooyá in moiko sin kon sigad monimu oyúonpa in diá nonotaau kon i Allah.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

PILIPI 3:10

Soaḷ inta totok in kinoibogku in monotaaubí kon i Kristus bo mokoalami kon kawasa inta nokobiag kon i-Nia nongkon kinopatoian. Bo moibog doman in akuoi mokoalami kon roriga ná inta kinorasaan-Nea bo notongkai doman ná kopopatoi-Nea,

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

PETRUS 2 1:2

Poigumon mako ki Allah mobogoi in barakat bo kobiagan motompia totok kon i monimu, sin moiko ain nonotaau kon i Allah bo kon i Yesus Tuhan naton.

PETRUS 2 1:3

Ki Allah in nomakédon kawasa-Nea sin mobogoi kon i naton in bayongan yagi-yagi inta paraḷu pakéon kon kobiagan sinbá motoindudui kon i-Nia. Tua in inaidan-Nea pinongin onu inta kinotaauan naton soaḷ ki Yesus Kristus, inta ain nogoiní kon i naton sinbá mobiag moyotakin-Nea kon tampat-Nea inta mopia bo moonow.

PETRUS 2 1:8

Tua mita in sipat inta paraḷuon monimu. Aka sipat mita tatua bo nobayongdon totok in kon i monimu, yo morajing bidon totok in moiko mogaid bo moḷobenbí in mangaḻe in oaidanmu, bo kototaau monimu soaḷ ki Yesus Kristus Tuhan naton in modugangdon mopia.

YOHANES 1 1:2

Wakutu in kinobiagan tatua pinoniata, nokoontong doman in kami. Tuamai kami in mobogoi in sakusi soaḷ Sia. Kami in mopotaau kon i monimu soaḷ kobiagan mopia bo mononoi moyotakin i Amá, sin tua aindon pinoontong kon i nami.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

YOHANES 1 2:23

Intau inta diá motarima kon i Adí, dá mangaḻenea sia in diá doman motarima kon i Amá.

YOHANES 1 4:6

Táe kita naa in ki adíbí mita i Allah; bo intau mita inta nonotaau kon i Allah in mokidongogbí kon singog naton. Táe intau inta deeman kapunyaan i Allah, diábí mokidongog kon singog naton. Natua in caranea kita monotaau kon yoposi in Roho inta motundú kon mobanar, bo roho inta motundú kon diá totuu.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.