YOHANES 17:1 - Alkitab Singog In Mongondow Masa In Tanaa

¹ Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 17:1 Iomraidhean Croise

MAZMUR 123:1

Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

MARKUS 14:41

Naonda in kon intoḷuneadon in ki Yesus namangoi kon i monia, Sia noḻibó, “Umpaka yo mosiug bo mogogaipa doman mako in moiko? Motaaudon! Aindon wakutunea ki Adí Intau posarakan kon ḻima in intau mita baradosa.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

LUKAS 22:53

Pomuḷoi in singgai Akuoi umuran kon yua-yuak monimu kon bonu in Baḷoi Tuhan, táe diábí domokon monimu. Táe naa in wakutudon monimu sin kinawasadon in Ibilis in moiko.”

YOHANES 11:4

Táe naonda in dinongog i Yesus in habar tatua, Sia in noguman “Takitnea tatua in diábí mokopatoi kon inia. Naa in nobaḻíbí sinbá kawasa i Allah poponiatadon bo bá popisí in takit tatua ki Adí i Allah in poḷantudon doman.”

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 12:23

Ki Yesus in noguman kon i monia, “Wakutuneadon Adí Intau pomuliaan.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

YOHANES 7:30

Dodai intua ramujiondon monia domokon in Sia, táe diá tobatúmai intau mokobaḻí mokadai kon i-Nia, sin deemanpa wakutunea.

YOHANES 7:39

Ki Yesus in nongonguman kon soaḷ Roho i Allah, inta bain tarimaan in intau mita inta mopirisaya kon i-Nia. Sin wakutu intua Roho i Allah in diápa inogoi; sin ki Yesus in diápa pinomulia.)

YOHANES 8:20

Bayongan in tua siningog i Yesus wakutu in Sia yogot motundú kon bonu in Baḷoi Tuhan kon diugmai in kas pobobogoian kon doit sosumba. Táe diábí in tobatúmai intau nodomok kon i-Nia, sin deemanpabí wakutunea.

OUMAN IN RASUL MITA 3:13

Ki Allah inta sinumba i Abraham, i Ishak, i Yakub bo in mogoguyang naton tua in ki Allahbí inta nopomulia kon simpaḷ-Nea inta ki Yesus Kristus. Ki Yesus tua inta pinosarakan bo inta diá sinarima monimu kon tayowon i Pilatus umpakabí kai Pilatus in buḻiandon in Sia.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.