YOHANES 16:2 - Alkitab Singog In Mongondow Masa In Tanaa

² Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

YOHANES 16:2 Iomraidhean Croise

YESAYA 65:5

Mosia in noguman ‘Bayádon koyayú, dika moḻiai kon inami sin kami in motusi bo noitondí nongkon i monimu!’ Akuoi in diádon mokoigon in mokoontong kon dodia monia! Torú-Ku kon i monia in naonda bo tuḷú inta diá mopio-piong.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

DANIEL 11:33

Intau mita inta mobijaksana inta nobaḻí itoi in rayat in mopomangaḻebí kon mobayong in intau. Táe diá moonggot kon tua, tongonumai in kon sigad monia tua in koḻimodan popisí in parang andeka popisí in tuḷú, bo tongonumai doman in intau in pogagowan bo dakopon.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

YOHANES 12:42

Umpaka natua, nobayongbí in intau, nodapot in oyúon in itoi mita in Yahudi in nopirisayadon kon i Yesus. Táe mosia in diá mokobaḻí in mongaku taran-tarangan, sin moondok dikabo diádon ogoi intau in Parisi in mosia tumuot kon baḷoi pososambayangan.

YOHANES 16:25

“Naa komintan in poguman-Ku kon i monimu takin momaké in oandaian. Táe moiangoibí in wakutunea, Akuoi in diádon momaké in oandaian, táe poguman-Ku bidon taran-tarangan kon i monimu in soaḷ ki Amá.

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

YOHANES 4:21

Ki Yesus in noguman kon inia: “Popirisayadon, komintanmai intau in mosumba kon i Amá, deeman bidon kon tombuḷud tanaa bo deemanbí doman kon Yerusalem.

YOHANES 4:23

Táe moiangoibí in wakutunea, sedang bo noiangoi bidon, takin in kawasa in Roho i Allah intau mita in mosumba kon i Amá inta mobanar ná inta kinoibog i Amá.

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

OUMAN IN RASUL MITA 5:33

Nokodongogmai kon tua, totok in mosia sinumorú, dá ibogon monia ḻimodonbí in rasul mita tatua.

OUMAN IN RASUL MITA 7:56

Ki Stepanus in noguman, “Indoiai, inontongku in soroga nobukat bo ki Adí Intau sinimindog kon dotá in koḷanan i Allah!”

KORINTUS 1 4:13

aka singo-singogonmai intau in kami, yo koḷukóon nami in motubag. Kami naa in diábí noiḻiu kon yoyatan in dunia naa; bo inanggap bonok in dunia.

PILIPI 3:6

Popisí in moḷoben totok in ibogku dumudui kon hukum in agama tatua, dá ḷongasionku pogutúon in jamaat. Aka nilaion podoyon kon hukum in agama Yahudi yo akuoi naa intaubí mopia bo motoindudui.

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.

HAKIM MITA 6:30

Bo mosia noguman kon i Yoas, “Ki adímu aindon nongokai kon mezbah i Baal bo ain nogumpag kon oigi inta nobaḻí lambang i Dewi Asyera inta kon diugmai in mezbah tatua. Tuamai, diádon mangoi in ki adímu tua poangoi in naa. Sia in mustibí matoi!”