YOHANES 16:12 - Alkitab Singog In Mongondow Masa In Tanaa

¹² Mobayongpabí in musti poguman-Ku kon i monimu, táe tanaa mako in diápa mokosanggup in moiko in motarima kon tua mita.

YOHANES 16:12 Iomraidhean Croise

MARKUS 4:33

Natua in pinototundú i Yesus kon intau mita. Sia nomaké in poumpamaan mita natua komangoi in komangaḻean monia.

YOHANES 14:30

Diádon moantó in oumanon-Ku kon i monimu, sin wakutuneadon mongongawasa in dunia naa mamangoi. Táe diábí kokawasaannea in Akuoi.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 16:11

Poguman-Nea doman kon ki Allah in momangkoidon mohukum, sin mongongawasa kon dunia naa in ihukumdon.

YOHANES 16:13

Táe aka Roho tatua mamangoi, ki Inta moponiata in kobobanar soaḷ ki Allah, yo diaan-Neabí in moiko bo tundúon monotaau kon bayongan kobobanar tatua. Sin Sia in diábí mosingog podudui in ibog-Nea tontaní, táe mogumanbí kon onu in dinongog-Nea, bo poguman-Neabí kon inimu onu in mobaḻí kon singgai moiduduimai.

OUMAN IN RASUL MITA 1:3

Naonda in Sia buidon nobiag nongkon kinopatoian-Nea, opat nopuḷú nosinggai Sia nopoontong in oaidan-Nea kon rasul mita sinbá moniata kon i monia kon Sia tua in totu-totuubí nobiag. Mosia in nokoontong kon i-Nia, bo Sia in nongonguman kon i monia kon naonda in ki Allah momarenta saḷaku Datu.