YOHANES 13:4 - Alkitab Singog In Mongondow Masa In Tanaa

⁴ Tuamai Sia in sinimindog bo noḷongkut kon jubah-Nea bo nogibintoḷ in handuk.

YOHANES 13:4 Iomraidhean Croise

DATU MITA 2 3:11

Ki Datu Yosapat in noḻibó, “Diá degá in nabi kon naa inta motaau moḻibó kon i Tuhan mongo onu in musti aidan naton?” Porwira tobatú inta nongkon tontara i Datu Yoram in notubag, “Oyúon in ki Elisa ki adí i Sapat! Dungkuḷmai sia tua in mobobantung i Elia.”

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

LUKAS 17:7

“Aka kuma bo kon sigad monimu nion kobobantung inta nomajeko kon gobá andeka noḷukad kon domba, bo aka bobantung tatua mobuidon mangoi, yo degá moiko in moguman nanaa, ‘Igai bá mongaandon’?

LUKAS 17:8

Tantú diábí natua! Sia in pastibí moguman kon bobantungnea nanaa, ‘Koḻikatdon bo oḷudaipa in akuoi. Pogiḷambung in ḷambung inta modarit bo oḷaton in akuoi dapot in mopaḷut mongaan bo monginum; bain tua bo mongaan in iko.’

LUKAS 22:27

Ki ine degá in moḷobe-ḷoben: intau inta iḻimitú nongaan kon meja mongo intau inta nobantung kon inia? Tantú intaubí inta iḻimitú tatua. Táe Akuoi in kon sigad monimu naa in saḷakubí bobantung.

YOHANES 13:12

Nopaḷut mako in ki Yesus nondarit kon sioḷ monia, bui-Neadon iḷutud in jubah-Nea bo iḻimitú bui, bo noḻibó kon i monia, “Komangaḻean degá monimu in onu inta bagu-Ku inaidan kon i monimu?

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

YOHANES 1 3:11

Nongkon pinomangkoianmai habar tanaa ain pinotaau kon i monimu: Kita in musti mositabian tobatú bo tobatú.