YOHANES 12:6 - Alkitab Singog In Mongondow Masa In Tanaa

⁶ Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

YOHANES 12:6 Iomraidhean Croise

MAZMUR 14:1

Kon i itoi in mododondong. Mazmur i Daud. Intau dondunguḷ in mosingog kon bonu in gina, “Diábí in ki Allah.” Aid monia in moraat bo moḻingá diá in mogaid kon inta mopia.

AMSAL 29:7

Intau mopia in monotaaubí kon hak in intau moyangkó, táe intau moraat in diábí monotaau intua.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MATIUS 21:13

Bo Sia in noguman kon i monia nanaa, “Aindon pinais kon Buk Motusi, ‘Baḷoi-Ku in tangoionbí Baḷoi Pososambayangan.’ Táe inaidanbí monimu pugad in mogogagow!”

LUKAS 8:3

ki Yohana, inta ki buḷoi i Khuza, bendahara i Herodes; ki Susana, bo nobayongpa doman in bobay ibanea. Onu in pakéon monia kon tungkuḷ in nobantung kon i Yesus bo kon murí-Nea mita, sinanggungbí monia tontaní.

YOHANES 10:13

Intau inta sinoko tondanan tatua moḷaguibí, sin sia in nogaid tongábí popisí in inuboḻian. Dá diábí pandungonneamai in domba mita tatua.

YOHANES 12:5

“Nongonu sin ḷana mobondu tanion diábí inta pinotaḷui toḷu nogatut doit saḷaka, bo doit boḻinea in ogoidon kon intau bogá?”

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

KORINTUS 1 6:10

mononakow, motamaa, inta moibo-ibog monginum kon inta mokoḷoḷangu, inta moibog moporomúmai kon tangoi intau, bo inta tongá moharap mako kon totayak in intau ibanea – mosia tua in diábí motaau mobaḻí umat i Allah.

GALATIA 2:10

Tongá topasaḷ in pinoigum monia kon i nami, musti tarukiraan in intau mita bogá. Bo memang tuabí doman inta kinoibo-ibogku aidan.

TESALONIKA 1 5:22

Bo mokopoyayú kon bayongan inta moraat.

YAKOBUS 2:2

Sin aka oyúon in intau inta nooyúon inta nogisising buḷawan bo nogiḷambung mogaga in namangoi kon undanganmu, bo dodai intua namangoi doman in intau nobogá inta nomaké in ḷambung diádon notampuimai,

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!