YOHANES 12:2 - Alkitab Singog In Mongondow Masa In Tanaa

² Kon tua, ki Yesus inoḷudan monia, ki Marta in nogoḷud kon kaanon tatua. Ki Lazarus bo mokokiangoi mita in iḻimitú nongaan noyotakin i Yesus.

YOHANES 12:2 Iomraidhean Croise

DONDONG MOḶANTUD 4:16

Pobangondon, ei tompot in utuan, angoidon, ei tompot in toḷatan! Pogirupdon kon gobáku, sinbá bondunea in kobóan. Igumon mako batoḷ in dodobku mamangoi kon gobánea, bo mokaan kon bungainea mita inta mopia in nanamnea.

MATIUS 26:6

Naonda in ki Yesus kon Betania, kon baḷoi i Simon inta koḻipod pinanyaki kusta,

MARKUS 14:3

Naonda in ki Yesus kon Betaniadon kon baḷoi i Simon inta koḻipod kinotugatan in takin kuḻit mokorongó, indoianmai namangoidon in tobatú bobay kodia-dia in botoḷ in ḷana narwastu inta momahaḷ totok inta inaidan nongkon uakat mobondu. Wakutu in ki Yesus yogot mongaan, iḷosidon in bobay tatua botoḷ in ḷana nobondu tatua bo pinoginggúnea kon uḷu i Yesus in bonunea.

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

LUKAS 14:12

Onda intua ki Yesus noguman kon i togi baḷoi, “Aka iko bo mogaid kon bobutungan kon wakutu in singgai andeka doḷom, yo donaaidon mogoiní kon yobayat, utat, andeka bayongan ginaḷum bo topodiugmu inta nobiag nooyúon, sin aka natua yo tuḻían doman oiníon monia in iko. Dá oyúon tontuḻí in pinogoiníanmu kon i monia.

LUKAS 22:27

Ki ine degá in moḷobe-ḷoben: intau inta iḻimitú nongaan kon meja mongo intau inta nobantung kon inia? Tantú intaubí inta iḻimitú tatua. Táe Akuoi in kon sigad monimu naa in saḷakubí bobantung.

LUKAS 5:29

Naonda intua ki Lewi nomia kon bobutungan kon baḷoinea sin pinotomuannea kon i Yesus. Kon tua noantó doman in mononagi kon pajak bo intau doman baradosa ibanea nongaan noyotakin monia.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.