YOHANES 12:11 - Alkitab Singog In Mongondow Masa In Tanaa

¹¹ Sin siadon in nokopopisí kon nobayongdon in intau Yahudi in nonaḷámai kon i monia bo nopirisayadon kon i Yesus.

YOHANES 12:11 Iomraidhean Croise

YOHANES 11:42

Kinotaauan-Kubí kon umuran-Mubí indongogan in Akuoi, táe singogon-Ku in naa, kon tayowon in intau mita inta kon naa, sinbá mopirisaya in mosia kon Ikobí in nopotabá mangoi kon i-Nakó.”

YOHANES 11:45

Nobayong in intau Yahudi inta namangoi nohibur kon i Maria in nopirisayadon kon i Yesus naonda in nokoontong kon onu inta nobaḻí tatua.

YOHANES 11:48

Aka pomayá naton in Sia umuran mogaid kon oaidan-Nea, yo bayongan intau in mopirisayadon kon i-Nia. Bo pangabisannea pongawasa in Rum in mamangoi bo momoguyaat kon Baḷoi Tuhan bo bayongan intau naton!”

YOHANES 12:10

Tuamai imang mita itoi in moibog doman moḻimod kon i Lazarus.

YOHANES 12:18

Tuamai in nobayong intau in namangoi nonontomu kon i Yesus sin dinongogdon monia kon Sia tua inta nogaid kon inta mokoherang tatua.

YOHANES 12:42

Umpaka natua, nobayongbí in intau, nodapot in oyúon in itoi mita in Yahudi in nopirisayadon kon i Yesus. Táe mosia in diá mokobaḻí in mongaku taran-tarangan, sin moondok dikabo diádon ogoi intau in Parisi in mosia tumuot kon baḷoi pososambayangan.

YOHANES 7:31

Nobayong in kon sigad monia tua in nomangkoidon mopirisaya kon i-Nia, bo noguman, “Aka Datu Mopoposaḷamat tua in mamangoi, yo degá Sia mokoaid kon mobayo-bayong in inta mokoherang mita nongkon Intau tanaa?”

OUMAN IN RASUL MITA 13:45

Wakutu in inontong intau mita Yahudi in intau moantó tatua, mosia in totok nointoi. Totok monia singkuḻeon in ki Paulus bo toko bayowan monia onu in pinogumannea.