YOHANES 12:1 - Alkitab Singog In Mongondow Masa In Tanaa

¹ Onompa nosinggai kon poramean kon Singgai Moḷoben in Paska, ki Yesus in minayá in Betania. Ḻipú inta pinogutunan i Lazarus, inta ain biniag bui i Yesus nongkon kinopatoiannea.

YOHANES 12:1 Iomraidhean Croise

MATIUS 21:17

Bo sinaḷaan-Neamai in mosia poḷat iḷumuai nongkon kotá tatua bo minayá in Betania nosiug kon tua.

MARKUS 11:11

Noiyaputmai kon Yerusalem sinumuot in ki Yesus kon Baḷoi i Allah. Kon tua Sia nonarukira kon bayongan yagi-yagi. Táe popisí in noungkoḷomdon dá sia takin murí-Nea mopuḷú bodoyowá minayádon in Betania.

LUKAS 24:50

Nopaḷut mako kon tua, ki Yesus nodia kon i monia minayá iḷumuai kon kotá nodapot in Betania. Kon tua Sia nobingkat kon ḻima-Nea bo nomarakat kon i monia.

LUKAS 7:37

Kon ḻipú tatua oyúon in bobay inta ain kinotaauan totok in intau moantó kon sia tua binaradosadon totok. Naonda in kinotaauan in bobay tatua kon ki Yesus in yogot mongaan kon baḷoi intau in Parisi tatua, dá namangoi in sia kon baḷoi tatua takin kodia-dia in botoḷ inta mogaga totok inta kobonu-bonu in ḷana mobondu.

YOHANES 11:1

Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

YOHANES 11:44

Dá iḷumuaidon in intau inta ain minatoi tatua. Ḻima bo sioḷnea kobaku-bakutpa in pusi, bo pogotnea in kobaku-bakutpa doman in pusi inta pinobakut kon pogotnea. “Bukádon in pusi tanion sinbá mobebasdon sia in mayá”. guman i Yesus kon intau mita kon tua.

YOHANES 11:55

Wakutu intua motoyongdon Singgai in Paska intau Yahudi. Nobayongdon intau nongkon ḻipu-ḻipúannea in minayádon in Yerusalem sin mopobayá in adat pondaritan kon awak kon wakutu in diápa singgai porayaan tatua.

YOHANES 12:12

Nopoikoḷomai kon singgai intau moantó inta ain namangoi sin morame kon Singgai Moḷoben Paska in nokodongogdon kon ki Yesus niondon kon daḷan mopoangoi in Yerusalem.

YOHANES 12:20

Kon sigad in intau mita inta minayá in Yerusalem sin moibada kon porayaan tatua oyúon doman in tongonumai intau in Yunani.

YOHANES 12:9

Nobayong intau Yahudi in nokodongog kon ki Yesus in kon Betania, dá mosia minayá intua. Mosia in minayá deemanbí tongá popisí in ki Yesus, táe popisíbí doman in mosia moibog moindoi kon i Lazarus inta ain biniag bui i Yesus nongkon kinopatoiannea.