YOHANES 11:6 - Alkitab Singog In Mongondow Masa In Tanaa

⁶ Táe naonda in ki Yesus nokotaaumai kon habar kon ki Lazarus in notakit, dá sinumuodbí in Sia nogutunpa doyowa nosinggai kon tua.

YOHANES 11:6 Iomraidhean Croise

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 42:24

Ki Yusup nonaḷámai kon i monia, bodongka nongombaḷ. Naonda in sia motaaudon bui mosingog, sia in namangoidon bui kon i monia, bo nogamá kon i Simeon, bo pinoki togot in sia kon tayowon i utatnea mita.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YOHANES 11:5

Ki Yesus in motabibí kon i Maria, kon i Marta bo kon i Lazarus ki utat monia.

YOHANES 11:7

Bain nopaḷut mako kon tua bo noguman in Sia kon murí-Nea mita: “Koḻigai mayápa bui in kita in Yudea.”