YOHANES 11:4 - Alkitab Singog In Mongondow Masa In Tanaa

⁴ Táe naonda in dinongog i Yesus in habar tatua, Sia in noguman “Takitnea tatua in diábí mokopatoi kon inia. Naa in nobaḻíbí sinbá kawasa i Allah poponiatadon bo bá popisí in takit tatua ki Adí i Allah in poḷantudon doman.”

YOHANES 11:4 Iomraidhean Croise

IḶUAIAN 16:7

Ikoḷom doḷo-doḷom moiko in mokoontongdon kon sindar koangoian i Tuhan. Dinongogdon i Tuhan kon moiko sinumorú kon i-Nia; Oo kon i Tuhan, sin kami naa i tongábí nogaid kon onu in pinarenta-Nea.

YOHANES 10:38

Táe popisí in inaidan-Ku intua, dá pirisayadon in onu in inaidan-Ku tatua, umpakabí moiko doí mopirisaya kon i-Nakó. Takin natua yo kotaauandon bo komangaḻeandon monimu kon ki Amá in umuranbí notobatú takin-Ku, bo Akuoi in umuranbí doman notobatú i Amá.”

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 17:10

Onda in kapunyaan-Ku, kapunyaanbí doman i Amá-Ku intua, bo onda in kapunyaan i Amá, kapunyaan-Kubí doman tua. Akuoi ain pinomulia kon sigad monia.

YOHANES 17:5

Amá! Pomuliadon in Akuoi in tanaa mako kon tayowon-Mu, takin kamuliaan inta kon i-Nakó wakutu in noyotakin i Amá kon dodai in dunia naa diápa binaḻí.

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

YOHANES 8:54

Ki Yesus in notubag, “Aka kuma bo motayakbí in Akuoi kon kahoromatan-Ku tontaní, yo kahoromatan tatua diábí in mangaḻenea. Inta mohoromat kon i-Nakó in ki Amá-Kubí inta inanggap monimu ki Allah monimu,

YOHANES 9:24

Bo mosia in buidon nogoiní kon intau inta kon iná nobilog tatua, bo noguman kon inia, “Pongibotdon kon iko in mogumanbí kon totuu. Kinotaauan nami kon intau tatua intaubí binaradosa.”

YOHANES 9:3

Ki Yesus in notubag, “Sia in nobilog deemanbí popisí in dosanea andeka dosa in guyanganea, táe bá poponiatadon kon inia in kawasa i Allah.

SURAT I PAULUS KON JAMAAT RUM 11:11

Ḻibóonku doman: Wakutu intau in Yahudi noḷabúdon, yo degá nobaḻí intua sinbá mosia in morimumud? Deemanbí natua! Táe popisíbí in mosia ain nogaid kon mokobaradosa, manangka intua intau mita ibanea in pinosaḷamat, sahingga intau in Yahudi nointoi kon bangusa mita ibanea tua.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.