YOHANES 11:39 - Alkitab Singog In Mongondow Masa In Tanaa

³⁹ Ki Yesus in noguman, “Posídon in batu tatua.” Táe ki Marta, ki utat in intau inta minatoi tatua in notubag, “Tuhan, aindon opat nosinggai in pinoḷobongan kon inia. Tantú nobongkog bidon!”

YOHANES 11:39 Iomraidhean Croise

YOHANES 11:17

Naonda in ki Yesus nodapotdon kon ḻipú inta pinogutunan i Lazarus, Ki Lazarus in koyongandon opat nosinggai in iḷobong.

MARKUS 16:3

Kon daḷan mosia nosiḻibóan, “Ki ine in motuḷung kon inaton moḻiḻid kon batu inta pinoḻingkop kon pinoḷobongan?” Sin noḷoben totok in batu tatua. Táe noiyaputmai in pinoḷobongan tatua indoianmai batu inta pinoḻingkop kon bubú in poḷoḷobongan noḻitoidon.

MAZMUR 49:7

Mosia tua in mopongata in kaoyúonannea, bo mopododia in kapunyaannea.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

OUMAN IN RASUL MITA 2:27

Sin diábí pomayá-Mu mako in rohoku in kotaḷáan kon dunia intau minatoi. Bo diábí doman pomayá-Mu mako in ata-Mu inta umuran kodu-kodudui in moindoi kon koyoyangan in awak.

MAZMUR 49:14

Natuata in ukur in intau inta mopongata in awaknea, bo singgai moiduduimai in intau inta moorop in tosingogonnea.

MAZMUR 49:9

Onuka in ogoinea diábí mokotugat; moiḻiu in ḷantud in boḻi in tontobut kon nyawanea,

KINOBAḺIAN 23:4

“Akuoi naa in intau mokokiangoi inta nogutun kon yua-yuak i Utat mita; dá ogoipa in akuoi motaḷui kon butá sinbá oyúon in poḷobonganku kon i buḷoiku.”

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.