YOHANES 11:2 - Alkitab Singog In Mongondow Masa In Tanaa

² Ki Maria naa in bobay inta nopoinggú in ḷana nobondu kon sioḷ i Tuhan bodongka iradatannea bui in buoknea. Kon singgai tobatú ki utat monia ki Lazarus naa in notakit.

YOHANES 11:2 Iomraidhean Croise

MARKUS 14:3

Naonda in ki Yesus kon Betaniadon kon baḷoi i Simon inta koḻipod kinotugatan in takin kuḻit mokorongó, indoianmai namangoidon in tobatú bobay kodia-dia in botoḷ in ḷana narwastu inta momahaḷ totok inta inaidan nongkon uakat mobondu. Wakutu in ki Yesus yogot mongaan, iḷosidon in bobay tatua botoḷ in ḷana nobondu tatua bo pinoginggúnea kon uḷu i Yesus in bonunea.

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

LUKAS 7:19

bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”

YOHANES 11:21

Ki Marta in noguman kon i Yesus, “Tuhan, aka kuma bo kon naa in ki Tuhan dodai intua, yo diábí minatoi in ki utat nami.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

YOHANES 11:32

Wakutu in ki Maria noidapotdon kon i Yesus bo nokoontongdon kon i-Nia, sinumungkud in Sia kon tayowon-Nea bo noguman, “Tuhan, aka kuma dodai intua ki Tuhan kon naa, yo diábí minatoi in ki utatku.”

YOHANES 12:3

Noiduduimai kon tua, ki Maria in namangoi takin kodia-dia in ḷana mobondu narwastu inta totok in momahaḷ in boḻinea degá tobotakmai in liter. Pinopobutaknea in ḷana tatua kon sioḷ i Yesus, onda intua iradatannea bui in buoknea. Dá tombonu in baḷoi tatua nobondudon in bo ḷana tatua.

YOHANES 13:13

Moiko in mogoiní kon i-Nakó Guru bo Tuhan. Bo Noitutuibí intua, sin totuu kon Akuoi in Gurubí bo Tuhan.

YOHANES 13:14

Dá aka Akuoi inta Guru bo Tuhanmu nondaritdon kon sioḷ monimu, yo moiko in mustibí doman mosidaritan kon sioḷ.