YOHANES 11:11 - Alkitab Singog In Mongondow Masa In Tanaa

¹¹ Natua in pinoguman i Yesus. Noiduduimai kon tua noguman bui in Sia, “Ki utat naton ki Lazarus aindon nosiug, táe bayáan-Kubí bangonon in sia.”

YOHANES 11:11 Iomraidhean Croise

DATU MITA 2 4:31

Ki Gehazi in inumunadon kon i monia sin mopoukat in tungkud i Elisa kon awak in adí tatua, táe diábí in singog andeka tomponuot ibanea kon mobiag in adí tatua. Bo minayádon in ki Gehazi nokipodungkuḷ kon i Elisa bo noguman, “Diábí nobangon in adí tatua.”

TAWARIKH 2 20:7

Ikobí in ki Allah nami. Kon tungkuḷ in umat-Mu, bangusa in Israel, namangoi kon butá tanaa, Iko nopoguntun kon intau mita inta kon dodai intua nogutun kon naa. Bo Iko in nobogoi kon butá tanaa kon buí i Abraham, yobayat-Mu, sin mobaḻí butá kapunyaan monia modapot in mononoi.

IḶUAIAN 33:11

Ki Tuhan noyosingog i Musa noyogintayowan mako, ná intau noyosingog in yobayatnea. Nopaḷut mako kon tua ki Musa nobuidon kon ḷoḷaigannea. Táe ki Yosua ki adí i Nun, tayowmobiag tobatú inta motuḷungmai kon i Musa, umuranpa nogutun kon bonu in Ḷoḷaigan tatua.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MATIUS 27:52

Bo poḷoḷobonganan mita nongobukat bo nobayong in intau mita inta mopia bo mopirisaya kon i Allah inta aindon minatoi in nobiag bui.

MATIUS 9:24

Sia noguman kon i monia, “Bayádon, sin adí tanaa in diábí minatoi, tongábí nosiug in sia.” Táe kinosingan monia in ki Yesus.

MARKUS 5:39

Dá ki Yesus in sinumuot bo noguman, “Nongonu sin moiko in modowawábí bo mongombaḷ? Adí tatua in diábí minatoi; tongábí in sia nosiug!”

YOHANES 11:10

Táe intau inta mayá doḷom in moipintudbí, sin diá in bayag kon inia.”

YOHANES 11:12

Dumodudui mita i Yesus in noguman, “Tuhan, aka ki Lazarus nosiug, mopiabí in sia.”

YOHANES 11:13

Makusud i Yesus ki Lazarus tua ain bidon minatoi. Táe sinangka monia makusud i Yesus tua kon ki Lazarus tua in nosiugbí ná biasamai.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

KORINTUS 1 15:18

Tua in mangaḻenea kon intau mita in Keresten inta ain minatoi diá doman koharapan.

KORINTUS 1 15:34

Mokoposadardon in tanaa, bo donaaidon mogaid kon inta diá mopia. Sabanarnea in bá mustibí mooyá in moiko sin kon sigad monimu oyúonpa in diá nonotaau kon i Allah.

KORINTUS 1 15:51

Tarukira in rahasia tanaa: Kita in diábí matoi komintan, táe kita in daitonbí baḷuian.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

TESALONIKA 1 5:10

Sia in minatoi sin lantaranbí kita, sinbá kon wakutu in Sia mamangoidon bui – inta minatoi ande inta nobiagpa – yo moyotakin-Nea mobiag.

YAKOBUS 2:23

Tua noyokaan in tontagá kon Buk Motusi inta noguman nanaa: “Ki Abraham in nopirisaya kon i Allah, bo lantaran pirisayanea tatua dá sinarima i Allah in sia saḷaku intau inta nogaid kon onu in kinoibog i Allah.” Tuamai ki Abraham in sinangoi, “Yobayat i Allah”.