YOHANES 11:1 - Alkitab Singog In Mongondow Masa In Tanaa

¹ Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

YOHANES 11:1 Iomraidhean Croise

KINOBAḺIAN 48:1

Diá noonggot kon tua pinotaaudon kon i Yusup kon ki amánea in notakitdon moyoyiga. Dá minayádon in sia takin ki adínea doyowa, ki Manasye bo ki Epraim, minayá noḷongow kon i Yakub.

MATIUS 21:17

Bo sinaḷaan-Neamai in mosia poḷat iḷumuai nongkon kotá tatua bo minayá in Betania nosiug kon tua.

MARKUS 11:1

Wakutu in mosia nodiugdon kon Yerusalem, mosia noiyaputdon in kotá in Betpage bo Betania, kon oyuk in buḷud in Zaitun. Kon tua ki Yesus nopotabá in murí-Nea doyowa,

YOHANES 11:11

Natua in pinoguman i Yesus. Noiduduimai kon tua noguman bui in Sia, “Ki utat naton ki Lazarus aindon nosiug, táe bayáan-Kubí bangonon in sia.”

YOHANES 11:18

Betania naa in nodiug kon Yerusalem, degá toḷumai nokilo in koyayúnea.

YOHANES 11:19

Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

YOHANES 12:17

Intau mita inta nokoontong tontaní wakutu in ki Yesus nogoiní kon i Lazarus iḷumuai nongkon poḷoḷobongan bo nomiag bui kon inia nongkon kinopatoiannea, umuran mongonguman magí-mako kon soaḷ tatua.

YOHANES 12:9

Nobayong intau Yahudi in nokodongog kon ki Yesus in kon Betania, dá mosia minayá intua. Mosia in minayá deemanbí tongá popisí in ki Yesus, táe popisíbí doman in mosia moibog moindoi kon i Lazarus inta ain biniag bui i Yesus nongkon kinopatoiannea.

OUMAN IN RASUL MITA 9:37

Táe dodai intua sia in notakit poḷat minatoi. Naonda ininggúandon, mayatnea in inukat monia kon gopot kon ḻimonik.