YOHANES 10:4 - Alkitab Singog In Mongondow Masa In Tanaa

⁴ Bo naonda in kon ḷuaidon in domba mita tatua, gombala tatua in mayá umuna kon i monia, bo dombanea mita in dumuduianmai.

YOHANES 10:4 Iomraidhean Croise

DONDONG MOḶANTUD 2:8

Indongogai! Batoḷ in dodobku namangoi! Sia in naonda bo ki adí in rusa andeka kijang. Mosimbanan kon buḷud mita moḷantud, mosimbanan kon buḷud mita moompá. Indoiai, sinimindog in sia kon ḻikud in dinding, matanea motayak magí-mako; motarap nongkon bubú in jandela.

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YOHANES 10:27

Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

YOHANES 10:3

Moḷoḷukad kon ḷantung momukatbí kon ḷoḻingkop sin tuotannea, bo domba mita in mokidongogbí kon singognea wakutu in oiníonnea in mosia podudui in tangoi monia tontaní bo diaannea ḷumuai.

YOHANES 10:5

Doíbi in mosia dumudui kon intau ibanea, nodapot in poḷaguianbí monia intau ibanea sin diá kinotaauan monia in singognea.”

YOHANES 10:8

Bayongan inta namangoi kon dodai in Akuoi diápa in mononakowbí bo mogogagow in mosia tua, bo doíbí in domba mita tatua in mokidongog kon i monia.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YOHANES 13:15

Akuoi ain nobogoi in toḷadan kon i monimu, sinbá aidan domandon monimu onu inta ain inaidan-Ku kon i monimu.

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

KORINTUS 1 11:1

Duduiaidon onu in inaidanku, ná doman akuoi dinumudui kon onu inta inaidan i Kristus.

EPESUS 5:1

Moiko nion in ki adí mita i Allah inta kinotabi-Nea, tuamai in moiko musti dumudui kon onu inta koibog i Allah.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

IBRANI 6:20

Ain binontangan i Yesus in daḷan bayáan naton tatua, Sia in sinumuotdon kon tua bo nobaḻí Imang naton Imang Moḷoben inta diádon mato-matoi ná ki Imang Melkisedek.

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.

PETRUS 1 4:1

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.