YOHANES 10:21 - Alkitab Singog In Mongondow Masa In Tanaa

²¹ Táe oyúon doman in noguman: “Intau inta kinotoḷangan in dimbuḷó in diábí mosingog natua! Eta dimbuḷó mokoundam kon intau bilog sahingga in mokoontong?”

YOHANES 10:21 Iomraidhean Croise

MAZMUR 146:8

bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.

MAZMUR 94:9

Ki Allah in nomia kon bongoḷan, umpaka yo diá in Sia mokodongog? Sia in nomia kon mata, yo umpaka diá in Sia mokoontong?

IḶUAIAN 4:11

Ki Tuhan in noguman kon inia, “Ki ine in nobogoi in bibig kon intau? Ki ine in nopobaḻí sia bobó ande bongoḷ? Ki ine in nopobaḻí kon inia nokoontong ande bilog? Diábí kinotaauanmu kon Akuoibí naa?

IḶUAIAN 8:19

dapot in mososihir mita tatua noguman kon i datu, “Naa in aidbí i Allah.” Táe ki datu tatua nokopotogatpa doman bui kon gina, bo ná inta ain muna pinoguman i Tuhan, ki datu tatua doí mopandungmai kon tosingogon i Musa bo i Harun.

AMSAL 20:12

Bongoḷan in pakéon mokidongog bo mata in poindoi, doyowa tua in ki Tuhanbí in nomaḻí.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

YOHANES 10:22

Kon Yerusalem intau mita koyogot morame kon Singgai Moḷoben Pinonoguḷapatan kon Baḷoi Tuhan. Dodai intua sempo in tumping.

YOHANES 9:6

Naonda in nosingog mako natua ki Yesus nonduyá kon butá. Bo duyá-Nea tatua in pinoyokitog-Nea in butá.