YOHANES 10:10 - Alkitab Singog In Mongondow Masa In Tanaa

¹⁰ Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

YOHANES 10:10 Iomraidhean Croise

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 18:11

Sin Adí Intau in namangoi sin moposaḷamat kon intau mita inta nongobuḻi!]

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 21:13

Bo Sia in noguman kon i monia nanaa, “Aindon pinais kon Buk Motusi, ‘Baḷoi-Ku in tangoionbí Baḷoi Pososambayangan.’ Táe inaidanbí monimu pugad in mogogagow!”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MARKUS 11:17

Noiduduimai kon tua ki Yesus nobogoi in totundú kon intau mita kon tua. Sia in noguman, “Kon bonu in Buk Motusi ain pinais: Ki Allah in noguman, ‘Baḷoi-Ku in tangoionbí Baḷoi Pososambayangan in bayongan bangusa.’ Táe tanaa in binaḻí bidon monimu pugad in mogogagow!”

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

YOHANES 10:1

“Totuubí in singog-Ku naa: Intau inta tumuot kon ḷantung in domba, bo diá mongin ḷoḻingkop, táe monomponikbí mongin daḷan ibanea, yo sia tua in mononakow bo mogogagow.

YOHANES 10:11

Akuoibí naa in Gombala inta mopia. Gombala mopia in mobogoibí in nyawanea sin kopontingan in dombanea mita.

YOHANES 12:47

Intau inta nokodongog kon totundú-Ku, táe diá mopoaid, yo deemanbí Akuoi in mohakim kon inia. Sin Akuoi in namangoi deemanbí mohakim kon dunia naa, táe moposaḷamatbí kon dunia naa.

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 5:40

Táe moiko in doí mamangoi kon i-Nakó sinbá mokouḻí kon kobiagan mononoi.

YOHANES 6:33

Sin roti inta inogoi i Allah in Siabí inta noponag nongkon soroga bo nobogoi in kobiagan kon intau kon dunia.”

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

SURAT I PAULUS KON JAMAAT RUM 2:21

Ki utat in motundú kon intau ibanea, yo nongonu sin iko in diábí motundú kon inimu tontaní? Ki utat in motundú kon dika monakow, yo nongonu sin iko in monakowbí!

TIMOTIUS 1 1:15

Totuubí in singog tanaa, tuamai in patusbí tarimaan bo pirisayaan komintan: “Kon ki Kristus ain namangoi in dunia naa sin moposaḷamat kon intau baradosa.” Bo akuoibí naa in intau inta totok in binaradosa bo inta totok doman in moraat.

IBRANI 6:17

Ki Allah in moibog mopoyakin bui kon intau mita inta motarima kon dandi-Nea kon diábí baḷuian-Nea in tomayá-Nea tatua. Manangka intua Sia in nongibot bui.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.