YOHANES 1:19 - Alkitab Singog In Mongondow Masa In Tanaa

¹⁹ Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 1:19 Iomraidhean Croise

YOHANES 1:7

Sia in namangoi nopotaau kon soaḷ bayag tatua, sinbá mopirisayadon in bayongan intau.

YOHANES 10:24

Dodai intua intau mita in Yahudi namangoi noḻipung kon i Yesus. Mosia in noguman, “Modapot in toonu in pomayá-Mu mako in kami diá motantú in pirisaya? Pogumankadon kosilang, aka Iko nion totu-totuu Datu Mopoposaḷamat.”

YOHANES 10:31

Bo intau mita in Yahudi nogamá kon batu sin pogandur kon i Yesus.

YOHANES 11:19

Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

YOHANES 2:18

Tongá itoi mita in Yahudi moḷawang kon i-Nia, mosia in noguman kon i Yesus, “Onu in motaau poontong-Mu kon inami saḷaku tanda kon oyúon in hak-Mu in mogaid kon ná tanaa.”

YOHANES 2:20

Itoi mita in Yahudi tatua in noguman kon i Yesus, “Opat nopuḷú bo onom notaong pinoposindogan in Baḷoi Tuhan tanaa, bo Iko in mongaku kon mokoposindog kon tua tongá kon daḷom in toḷu nosinggai?”

YOHANES 5:10

Tuamai itoi mita intau Yahudi in noguman kon intau inta bagu nopia tatua, “Singgai naa singgai in Sabat, tuamai iko in diábí motaau mobingkat kon boḷadmu.”

YOHANES 5:15

Dá iḷumuaidon intau tatua bo noguman kon pongawasa mita in Yahudi kon ki Yesusbí in intau inta nokopia kon inia.

YOHANES 5:16

Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

YOHANES 5:18

Singog-Nea mita tatua in nokodugangdon kon ibog monia moḷongasi moḻimod kon i-Nia. Mosia in nonomayá kon tua deemandon tongá popisí in Sia noḷawang kon atorang agama soaḷ singgai in Sabat; táe popisíbí doman in Sia noguman kon ki Allah tua in ki Amá-Nea; mangaḻenea kon tua Sia in mokipotongkaidon kon i Allah.

YOHANES 6:41

Intau mita Yahudi mulaidon mongunsingog kon i Yesus, sin ki Yesus in noguman: “Akuoi in roti inta noponag nongkon soroga.”

YOHANES 6:52

Nokodongogmai kon tua, intau mita in Yahudi nobobayowan. Mosia in nosingog: “Umpaka intau tanion mokobaḻí mobogoi in awak-Nea sin kaanon naton?”

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

YOHANES 7:11

Kon dodai in pinoramean tatua, itoi mita in Yahudi notayak kon i-Nia bo noḻibó magí mako, “Kon onda in Sia?”

YOHANES 7:15

Itoi mita in Yahudi totok in noherang bo noguman, “Naondabí in kinototaau-Nea kon soaḷ mita tatua, bokaka diábí kon dodai onda in Sia nosikoḷa?”

YOHANES 8:22

Dá itoi mita in Yahudi in noguman, “Degá bo ḻimimodbí tontaní in Sia nion, sin Sia in moguman, ‘Tampat inta bayáan-Ku, diá kodapotan monimu.’ ”

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

YOHANES 8:57

Bo intau mita in Yahudi in noguman kon i Yesus, “Diápa tugat ḻima nopuḷú notaong in umur-Mu, bo Iko in moguman kon ain nokoontong kon i Abraham?”

OUMAN IN RASUL MITA 13:25

Naonda in motoyongdon mopaḷut in oaidannea, ki Yohanes in noguman kon i monia nanaa, ‘Degá kai monimu kamai yo ki inebí in akuoi naa? Akuoi naa in deemanbí Sia inta oḷaton mako monimu. Táe moiangoibí in Sia inta oḷaton mako monimu nion, moitoḷuan mangoi kon inakó; umpaka tongá mobuka kon togot in sapatu-Nea yo diá mokobaḻí akuoi.’

OUMAN IN RASUL MITA 19:4

Ki Paulus in noguman, “Ki Yohanes nobaptis kon intau mita tatua sinbá mogogaidon in mosia in mogaid kon dosa. Táe wakutu intua ki Yohanes in nopotaau domandon kon intau mita in Israel kon mosia in musti mopirisaya kon Intau inta mamangoi moidudui kon inia, makusud in singognea tua in ki Yesusbí.”

ULANGAN 24:8

Aka oyúon takit in kuḻit inta mokobahaya, yo aidaidon kopira in onu inta pinarenta in imang mita Lewi kon inimu; duduiaidon in topotundú mita inta pinotaauku kon i monia.

YOHANES 1 1:5

Naadon in habar inta ain dinongog nami nongkon i Adí-Nea bo inta poyaput nami kon i monimu: Ki Allah tua in bayagbí, bo kon i-Nia diábí in sindip topiḻikpamai.