YOHANES 1:12 - Alkitab Singog In Mongondow Masa In Tanaa

¹² Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah,

YOHANES 1:12 Iomraidhean Croise

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YEREMIA 3:19

Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

MATIUS 12:21

bayongan intau in mopoandoḷ mako in kamang kon i-Nia.”

MATIUS 18:5

Bo ki ine inta notarima kon adí ná tanaa sin lantaran Akuoi, yo sia in notarima kon i-Nakó.”

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

YOHANES 1:7

Sia in namangoi nopotaau kon soaḷ bayag tatua, sinbá mopirisayadon in bayongan intau.

YOHANES 11:52

Bo deemanbí tongá bangusa in Yahudi, táe mosipunbí bo moponobatú kon adí mita i Allah inta noirangkapdon.

YOHANES 2:23

Kon tungkuḷ in ki Yesus kon Yerusalempa dodai in Singgai Moḷoben Paska, nobayong intau in nopirisaya sin nokoontong kon soaḷ mita inta mokoherang pinomia-Nea.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 3:18

Intau inta mopirisaya kon i-Nia in diábí hukumon. Táe intau inta diá mopirisaya in hukumondon i Allah, sin diá mopirisaya kon i Adí-Nea inta tuḷong.

OUMAN IN RASUL MITA 3:16

Bo popisí in intau tanaa nopirisaya kon tangoi i Yesus dá tuata in nokoroton kon intau inta inontong monimu tanaa. Popisí in intau tanaa nopirisaya kon i Yesus dá nosehatdon bui in sia kon tayowon monimu komintan.

SURAT I PAULUS KON JAMAAT RUM 8:14

Intau mita inta kinawasa in Roho i Allah, mosia tua in ki adí mita i Allah.

SURAT I PAULUS KON JAMAAT RUM 8:16

Roho i Allah tatua in noyotakin in roho naton in moguman kon kita naa in ki adí mita i Allah.

SURAT I PAULUS KON JAMAAT RUM 8:19

Bayongan in mahaḷuk mogoḷat bo moibogdon totok mokoontong kon wakutu i Allah moponiata kon i adí-Nea mita.

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

KOLOSE 2:6

Tai utat mita ain notarima kon i Kristus Yesus saḷaku Tuhan. Manangka intua kobiagdon in moiko motobatú takin-Nea,

PETRUS 2 1:4

Natua in aid i Allah mobogoi kon i naton in barakat-Nea inta moḷoben bo baraguna totok inta ain pinodandi-Nea. Sinbá aka barakat tatua oyúondon kon i monimu, yo moiko in diádon kawasaan in ibog mita moraat inta mokogoguyaat kon dunia naa, bo moiko in moitakin motarima kon sipat i Allah.

YOHANES 1 3:1

Indoiaika dá ki Allah totokbí in motabi kon i naton, sahingga ináku-Neadon in kita saḷaku ki adí-Nea mita. Bo totuu kon kita naa in ki adíbí mita i Allah. Tuamai dunia inta moraat naa in diá nonotaau kon i naton, lantaran dunia diá nonotaau kon i Allah.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.