YOËL 3:13 - Alkitab Singog In Mongondow Masa In Tanaa

¹³ Mosia in totuubí moraat; ratabdon in mosia naonda bo gandum inta ain noḷutú kon gobá. Runtaiaidon in mosia naonda bo anggur kon bonu in pomomugutan kon anggur inta nopuḻing modapot in moiḻimpó.

YOËL 3:13 Iomraidhean Croise

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

KINOBAḺIAN 18:20

Nopaḷut mako kon tua ki Tuhan noguman kon i Abraham, “Nobarong in pinoyaput in soaḷ mokobogat kon Sodom bo Gomora, bo totuu kon dosa monia tua totok moḷoben.

YESAYA 17:5

Israel in nádon onda bo gobá kon Repaim inta nopaḷutdon iratab in gandumnea, bo dongkadon topiḻik in ki agatnea.

YESAYA 63:3

“Tongá Aku-Akuoi mita in sinumuot kon pomomugutan kon anggur kon sigad in umat-Ku diá in notuḷung kon i-Nakó. Bangusa mita irita-ritakan-Ku kon bonu in torú-Ku, naonda bo noritak kon bungai in anggur. Dugú monia in noitoput nomuntad kon ḷambung-Ku, nokokotor kon bayongan in pakeang-Ku.

YEREMIA 51:33

Diádon moonggot taḷowon in mosia bo ritakan in musung naonda bo gandum kon tampat poḷoḻidokan. Akuoi, ki Tuhan Inta Totok in mokawasa, Allah in Israel, ain nosingog.”

OMBAḶ 1:15

Inanggap i Tuhan diá in mangaḻe in bayongan in intauku inta mongotorindog. Inampoi-Nea in bayongan tontara sinbá bayongan in intau tayowmobiagku in moyopú. Iritakan-Nea in bangusaku nodapot in norimumud, ná intau inta nomugut kon bungai in anggur.

HOSEA 6:11

Soaḷ moiko, ei intau in Yohuda, Sinantú-Ku domandon in wakutunea mohukum kon i monimu popisí in oaidmu.”

MATIUS 13:39

Yo saturu inta noporarit in bibit in padang tatua, siata in Ibilis. Bo aka wakutu moratab, yo tua in Singgai Pangabisannea, bo inta mororatab mita tua in malaekat.

MARKUS 4:29

Bo aka bungai in gandum tatua moḷutúdon dá pangkoiandon yangkiton in intau tatua sin wakutuneadon monoḻisí kon bungainea.”

ULANGAN 16:9

“Pogintádon kon pitu nodiminggu pangkoion kon singgai dungkuḷ moiko moratab kon gandum,

WAHYU 14:14

Noiduduimai kon tua, akuoi nokoontong kon tobatú goḷom mobudó. Kon tudu in goḷom tatua oyúon in tobatú intau iḻimitú naonda bo intau. Sia in nogi bandow in mahkota buḷawan bo kokada-kadai in sabit inta moḷanit.

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.