YOËL 2:5 - Alkitab Singog In Mongondow Masa In Tanaa

⁵ Mosia in ḷumandu-ḷanduk kon tudu in buḷud, singognea in naonda bo koḷangká mako in kereta in parang bo naonda bo rosik in tuḷú inta nokaan kon wawa;. Mosia in nopipid naonda bo tontara inta motorindog, inta nosadiadon mayá moparang

YOËL 2:5 Iomraidhean Croise

AYUB 39:20

Iko degá in nopotabá kon inia ḷumanduk naonda bo pangkoḷá, bo ganggornea sin mopogogondok kon intau?

IḶUAIAN 5:12

Dá minayádon intau Israel noḻibu kon bayongan butá in Mesir sin mosipun kon wawa.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

WAHYU 9:9

Dodob monia inoḻingoian in naonda bo ḷambung uatoi. Singog in koḻikip monia in naonda bo singog in kereta mita inta inugut in kabaḷo mayá moparang.