YOËL 2:3 - Alkitab Singog In Mongondow Masa In Tanaa

³ Naonda bo tuḷú inta momagong bo mokopokak yompaton monia in bayongan pinomuḷa. Kon dungkuḷ, butá tatua in naonda bo Eden, taman i Tuhan, noiduduimai kon tua, naondadon bo rawang in bungaion inta noingkag. Diádon onu bo onu in ki agatnea, diá in diá sinubu monia.

YOËL 2:3 Iomraidhean Croise

KINOBAḺIAN 13:10

Ki Lot nobobui magí mako bo inontongnea kon bayongan Ḷopá in Yordan, nodapot kon kotá in Zoar nobarong in tubig, ná taman i Tuhan ande naonda bo butá in Mesir. (Natuata in kaadaannea kon dodai in diápa pinokak i Tuhan kotá mita in Sodom bo Gomora.)

KINOBAḺIAN 2:8

Noiduduimai kon tua ki Tuhan Allah nomia kon taman kon Eden, kon dotá in pomukaan, bo sinampat-Nea kon tua in intau inta ain pinomia-Nea tatua.

MAZMUR 50:3

Ki Allah naton in namangoi bo tongá kibio-biómai, Sia in inunaan in tuḷú inta modilá, bo iḻibu in deḷang inta motoyang.

MAZMUR 97:3

Tuḷú in iḷumekep kon tayowon-Nea, nomokak kon musung kon ḻibu-Neamai.

IḶUAIAN 10:15

Bayongan in butá kino koḷobandon in pangkoḷá nodapot in irumondídon in koontongan. Mosia mokaan kon onukabí in kinotaḷáan in uyan eis tatua, takin doman bungai mita in ayop inta kon pangkoineapa. Kon bayongan butá in Mesir diá bidon in koontongan moḷunow inta sinonggagatan kon pangkoinea mita ande pinomuḷa.

IḶUAIAN 10:5

Bayongan tudu in butá motompaḷotdon komintan in pangkoḷá inta totok in mobayong tua. Bayongan agat in pinomuḷa, nodapot in pangkoi mita in kayu inta diá iyoyang in uyan eis, yo daitondon kaanon in pangkoḷá mita tatua.

YESAYA 14:17

Sia naa degá inta norimumud kon kotá mita bo nomaḷui kon dunia naa nobaḻí rawang in bungaion? Sia naa degá inta diá kon dodai in onda in nomuḻi kon intau mita inta dinakopnea andeka inta nopomayá mako kon i monia nobui?’

YESAYA 15:6

Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow.

YESAYA 33:4

Naonda bo paanan in pangkoḷá intau monubu bo mogagow kon kaoyúonan monia.

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YESAYA 9:18

Ki Tuhan Inta Totok in mokawasa sinumorú totok, bo hukuman-Nea in naonda bo tuḷú inta moborambang bo bangusa tatua in kayu inta pinondudub inta nodaitnea kinaan. Diábí tobatúmai in intau in motabi kon i utatnea.

YESAYA 9:19

Kon sinangkub in butá tatua mosia mogagow bo mokaan kon onukabí in motaau kaanon, táe diábí in mosia mokorasa kon mobotug. Nodapotbí in mosia mokaan kon topotakin mita monia tontaní!

YEREMIA 5:17

Mosia in mokopodaitbí kon bungai in boyó bo kaanonmu poḷat moḻimod kon i adímu mita. Biag sapi bo dombamu in ratáanbi monia, bo gobá mita in anggur takin pangkoi mita in aramu in tokoyompatonbí monia. Kotá mita inta dininding inta pongata monimu in rimumudonbí monia.

YEHEZKIEL 36:35

Dá bayongan in intau mongoherang, popisí in butá tatua inta dungkuḷmai noḷogatdon tanaa in nobaḷuidon nobaḻí taman in Eden, bo kotá mita inta dungkuḷmai noingongow, norimumud bo nobaḻídon apug mita, tanaa in nobaḻídon kotá mita inta notorindog in poḷoḷukadannea bo nosisídon in intaunea.

AMOS 7:4

Akuoi in bui nokoontong kon tobatú oontongon nongkon i Tuhan Inta Totok in moḷantud. Inontongku in Sia koyogot in mosadia mohukum kon umat-Nea pongin tuḷú. Tuḷú tatua in ḷumekep kon bayongan in baḷangon kon ḻimonag in butá bo momangkoidon momokak kon gobá in tudunea.

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”