YOËL 2:1 - Alkitab Singog In Mongondow Masa In Tanaa

¹ Irupdon in torompet, posingogdon in tomponuot in anib kon tombuḷud in Sion inta motusi, pinogutunan i Allah. Kourotdon, ei intau in Yohuda! Sin Singgai i Tuhan in nodiug bo ḷagidon moiangoi.

YOËL 2:1 Iomraidhean Croise

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 87:1

Mazmur in inanakan i Korah, dondong tobatú. Ki Tuhan in noposindog in kotá-Nea kon tudu in tombuḷud inta motusi.

IḶUAIAN 10:14

inta totok in modamaḷ totok nodapot in notoimpaḷotdon in butá tatua. Diápa dodai onda intau nokoontong kon pangkoḷá inta námai tua in kobayongnea, bo nopaḷut mako kon tua diá bidon bui nobaḻí in soaḷ ná tatua.

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 13:9

Singgai i Tuhan in moiangoibí, bo kon singgai tatua ki Tuhan in mopoaid in torú-Nea bo rogi-Nea inta motoyang. Butá in mobaḻí butá inta moḷogat, bo bayongan in intau baradosa in moyopú.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

YEREMIA 16:10

Aka iko in mopotaau in naa komintan kon i monia, degá ḻibóon monia nongonu sin Akuoi in mohukumbí kon i monia námai tua in kobogatnea. Mosia in moḻibóbí onu in taḷá bo dosa monia kon i-Nakó, ki Tuhan Allah monia.

YEREMIA 16:7

Diábí doman in moibog mogaid kon ponusaan sin moḻipoi kon intau inta nonogumatoi. Diábí in dinumudui nonogumatoi nodapotbí kon intau inta kinopatoian i amá andeka i inánea.

YEREMIA 4:5

Irupdon in torompet kon sinangkub in butá! Pomaḷúdon kosilang bo koḷangon. Potabádon in intau in Yohuda bo Yerusalem moḷagui mayá in kotá mita inta dininding.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

YEHEZKIEL 12:23

Yo, potaaudon kon i monia kon Akuoi, ki Tuhan Inta Totok in moḷantud, in motubag nanaa: Peribahasa tatua in popatan-Ku, dá diádon singogon bui kon Israel. Mobaḻí toḻiunea in pogumandon kon i monia kon wakutunea in noidapotdon, bo bayongan in inta pinoguman in mobaḻídon.

YEHEZKIEL 21:12

Ei intau ilo-ilow, pogamuidon bo pomaḷú! Sin kedang tatua in nosadiadon monayow kon umat-Ku. Itoi mita in Israel takin bayongan in bangusa tumbukonbí in kedang tatua modapot in matoi. Dá tokapdon in dodobmu takin robonoḷ,

YEHEZKIEL 33:3

Aka moḷoḷukad tatua mokoontong kon musung mamangoi, posingogonneabí in tomponuot in anib sinbá mobasadia in bayongan in intau.

YEHEZKIEL 33:6

Táe aka moḷoḷukad tatua naonda in mokoontong kon musung bo diábí posingogonnea in tomponuot in anib, bo musung in moḻimod kon intau mita binaradosa tatua, dá siabí in tuntuton-Ku kon kinopatoian monia tua.

YEHEZKIEL 7:10

Singgai koboditoan in bangusa in Israel in noiangoidon. Aid motogat in mongawasa. Koḷoḷatúan in motompodon.

YEHEZKIEL 7:12

Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

DANIEL 9:16

Iko in noduḷudon kon inami in dungkuḷmai, tuamai in dikadon bui tumorú kon Yerusalem, kotá-Mu tontaní, tombuḷud-Mu inta motusi. Popisí in dosa nami bo aid moraat in mogoguyang nami, dá bayongan in intau kon diugmai nami in mopoompámai kon Yerusalem bo kon umat-Mu.

DANIEL 9:20

Akuoi in umuran nosambayang bo nongaku kon dosaku bo dosa in bangusaku Israel, bo nopoigum kon i Tuhan Allahku sinbá mopoyobui in baḷoi-Nea inta motusi.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

YOËL 2:15

Irupdon in torompet kon Sion, buḷud i Allah, pobaḷúdon singgai popuasaan, aidaidon in poyodungkuḷan moḷoben.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 3:14

Ribuan in intau in kon Ḷopá Pohohakiman. Sin kon tua singgai i Tuhan in ḷagidon moiangoi.

YOËL 3:17

“Ei Israel, tanaa in kotaauandon monimu, kon Akuoibí in ki Tuhan Allahmu. Akuoi in nogutun kon Sion, buḷud-Ku inta motusi, Dá Yerusalem in mobaḻí doman kotá inta motusi, intau ango-angoi in diá bidon mokopotuot bui.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

AMOS 5:18

Totuu kon moboditobí in moiko inta mokotanob kon singgai i Tuhan! Onubí in mangaḻenea in singgai tatua kon inimu? Singgai tatua in tongábí nobaḻí singgai inta mosindip, deemanbí singgai inta mobayag kon inimu.

AMOS 8:2

Ki Tuhan in noḻibó, “Onu in inontongmu, Amos?” Akuoi in notubag, “Karansi uatoi tobatú inta kon bonu-bonu in bungai in ayop inta ain nongogurang.” Ki Tuhan in noguman, “Wakutunea in nogurangdon kon umat-Ku Israel. Akuoi in diá bidon momaḷui bui kon tomayá-Ku bo notantúbí kon mohukum kon i monia.

OBAJA 1:15

“Totuu, nodiug bidon in singgainea, Akuoi, ki Tuhan, monisig kon bangusa mita. Onu in pinomia in Edom tuḻíanbí kon inia. Sia in mokonanambí doman kon onu inta ain inaidannea.

ZEPANYA 1:14

Singgai pohakiman i Tuhan in nodiugdon, oo totokdon in nodiug, sedang bo ḷagi bidon moiangoi. Singgai tatua in nopuḻing in robonoḷ in gina, nodapot in tontara mita inta totok in motorindogpa in kumokowbí totok popisí in kobuḻiandon in kamang!

ZEPANYA 1:16

Kinoouput in singgai tatua kodongogan singog in torompet bo kokow in parang nongkon intau mita mopoparang inta nonubu kon kotá mita inta sinokodinding bo oyúon in ḷangkeang mita poḷoḷukadan inta mongoḷantud.

ZEPANYA 1:7

Singgai i Tuhan in nodiugdon, kon singgai tatua oyúonbí in pomiaan i Allah; tuamai in kibio-biómaidon kon tayowon-Nea. Ki Tuhan in nosadiadon momatoi kon umat-Nea naonda bo kuruban sosumba bo Sia in nogoinídon kon musung mita in Yohuda.

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

ZAKHARIA 14:1

Singgai pohakiman i Tuhan in nodiugdon. Dá Yerusalem in pogagowanbí, bo onu in kinoagowan tatua silaionbí kon tayowonmu.

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

PINOGIAPAN 10:2

“Pomia kon torompet doyowa inta nongkon saḷaka tontaḷon sin pakéon pogoinían kon umat moyosipun andeka mopotabá kon i monia mayá.

PINOGIAPAN 10:3

Aka irupon koḷanggóon in doyowa tatua, dá bayongan umat musti moyosipun ḻimibu kon inimu kon tayowon ngara in Ḷoḷaigan-Ku.

KORINTUS 1 14:8

Andeka torompet inta diá kodongogan motarang in singognea, yo ki inebí in mobasadia moparang?

PILIPI 2:12

Utat mita inta kotabiku, moiko umuranbí kodu-kodudui kon inakó wakutu in akuoi koyota-yotakinpa monimu, tuamai poigumonku kon i monimu, umpaka in kita nogiyayúandon táe umuranbí ramuji aidai onu inta kinoibog i Allah. Sin moiko aindon pinosaḷamat i Allah, tuamai umuran ramuji sinbá iko in mobiag mosompurna. Mokopoendar in mogaid kon tua komintan podudui kon inta kinoibog i Allah.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

YAKOBUS 5:8

Moiko in musti mosabar doman bo moḷoben in gina, sin singgai koangoian i Tuhan in nodiugdon.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”