YOËL 1:4 - Alkitab Singog In Mongondow Masa In Tanaa

⁴ Paanan in pangkoḷá inta diá koiyapan in kobayongnea, dinumompá kon gobá mita bo nokaan kon pinomuḷanea. Onu in sinaḷáan in paanan tanaa, inindaitan in paanan ibanea doman.

YOËL 1:4 Iomraidhean Croise

DATU MITA IMITÁNEA 8:37

Aka butá tanaa koantugan in malarat in gogoy ande kotugatan in yampoi, bo pinomuḷa mita poguyaaton in tompot bo patú in singgai, mahaḷuk andeka pangkoḷá, andeka aka umat-Mu tubuon in musung, andeka kotugatan in takit,

TAWARIKH 2 6:28

Aka butá tanaa bo koantugan in malarat in gogoy andeka yampoi andeka pinomuḷa mita pinoguyaat in tompot mopatú, mahaḷuk andeka pangkoḷá andeka aka umat-Mu sinubu in musung, andeka sinugatan in takit,

TAWARIKH 2 7:13

Aka diá in Akuoi mopoangoi in uyan andeka potabá-ku mangoi in pangkoḷá sin momoguyaat kon bungai in pinomuḷa andeka mopoangoi in yampoi kon umat-Ku,

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

MAZMUR 78:46

Sia in nopoangoi in uḷod bo pangkoḷá, inta nokaan nokopodait kon bungai in boyó kon gobá.

IḶUAIAN 10:4

Aka diápa doman tarimaanmu, dá ikoḷom in popoangoi-Ku in pangkoḷá kon butámu naa.

IḶUAIAN 10:5

Bayongan tudu in butá motompaḷotdon komintan in pangkoḷá inta totok in mobayong tua. Bayongan agat in pinomuḷa, nodapot in pangkoi mita in kayu inta diá iyoyang in uyan eis, yo daitondon kaanon in pangkoḷá mita tatua.

YESAYA 33:4

Naonda bo paanan in pangkoḷá intau monubu bo mogagow kon kaoyúonan monia.

YEREMIA 51:14

Ki Tuhan Inta Totok in mokawasa nongibot pinodoyon kon i-Nia tontaní kon Sia in mopotabá mangoi kon intau ná kobayong in pangkoḷá sin monubu kon Babel, bo mosia in mopobaḷú in baḷú kountungan.

YEREMIA 51:27

“Ei datu nongkon utuan! Ogoiaidon in tomponuot monubu! Irup in torompet sinbá bangusa mita in mokodongog! Potabá in bangusa mita moparang monayow kon Babel! Potabá in dodatuan Ararat, Mini bo Askenas monubu. Duí in panglima tobatú sin mobaḻí itoi kon ponubuan tatua. Oinídon in kabaḷo ná kobayong in paanan in pangkoḷá.

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

AMOS 4:9

Akuoi in nopoirup mangoi in tompot mopatú bo mopoangoi in mahaḷuk inta momoguyaat kon pinomuḷa mita takin gobá mita in anggurmu. Pangkoi mita in ara, bo pangkoi mita in zaitunmu ain nodait kinaan in pangkoḷá. Umpaka natuadon táe diápa doman in moiko nobui mangoi kon i-Nakó.

AMOS 7:1

Akuoi in nokouḻí kon oontongon tobatú nongkon i Tuhan Inta Totok in moḷantud. Inontongku in Sia nomaḻí kon topaanan mobarong in pangkoḷá kon tungkuḷ in intau nopaḷutdon noratab kon bonok ogoi kon i datu, bo bonok mobagu in momangkoidon bui mobiag.

MALEAKHI 3:11

Diábí pomayá-Ku mako in pangkoḷá momoguyaat kon bungai in boyómu, pangkoi mita in anggurmu in modatogbí totok in bungainea.

ULANGAN 28:38

Mobayong in batoḷ in pomuḷaan monimu táe moyakag in bungai in boyó in mouḻí monimu, sin pinomuḷamu modait kaanon in pangkoḷá.

ULANGAN 28:42

Bayongan pangkoi bo pinomuḷamu in modaitbí kaanon in mahaḷuk.