YEHEZKIEL 4:2 - Alkitab Singog In Mongondow Masa In Tanaa

² Bo gambardon in pongopungan kon kotá tatua, takin gotnea mita, butá mita inta pinomumbun, ḷoḷaigan mita bo pakakat mita inta podumpak kon ḻibu mita in dindingnea.

YEHEZKIEL 4:2 Iomraidhean Croise

SAMUEL 2 20:15

Kinodongogan in intau i Yoab kon ki Seba in kon tua, bo iḻipungdon monia in kotá tatua. Mosia nopomumbun in butá kon ḻibu in dinding ḷuai bo nomangkoidon nongaḻi kon butá inta kon ḻimonag in dinding tatua sin mogumpag kon dinding.

YESAYA 22:7

Ḷopá mita inta noḷumbá in Yohuda nopuḻing in kereta in parang. Tontara mita inta sinumakoi kon kabaḷo nosadia kon muna in bonawang mita in Yerusalem.

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

YEREMIA 33:4

Komaḻig i datu in Yohuda bo baḷoi mita kon kotá in Yerusalem ain kinokai sin moginropot kon poḷukadan kon pinongopungan bo pinonubuan in musung. Táe Akuoi, ki Tuhan, Allah in Israel, noguman kon

YEREMIA 52:4

Tuamai ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea buḷan noginpuḷú kon taong in siownea kon pinomarentaan in Zedekia. Mosia in noposindog in markas kon ḷuai in kotá, noposindog in dinding pongopungan

YEREMIA 6:6

Ki Tuhan Inta Totok in mokawasa ain nomarenta kon mongongawasa mita tatua sinbá momupuḷ kon pangkoi mita in kayu bo moposindog in tombuḷud mita poḷukadan sin monubu kon Yerusalem. Ki Tuhan in noguman, “Kotá tanaa in hukumon-Ku sin kon bonunea in inaidandon in nobayong totok in aid mopororiga.

YEHEZKIEL 21:22

Noniata magí dá piot inta kinogamáan in ḻimanea koḷanan pinaisan in Yerusalem! Dá mangaḻenea kon tua ki datu in musti monubu kon kotá in Yerusalem, mopobaḷú in kokow in parang bo mopotabá in tontaranea kon moposadia in pakakat mita podumpak, posindogon kon bonawang mita in Yerusalem, momontuyung kon butá baḻíon dinding pongopungan bo mongaḻi kon got mita.

YEHEZKIEL 21:27

Kotá tanaa in rimumudon-Kudon komintan, dá kon ondaka oyúonbí in apug. Táe tua in mobaḻí aka intau inta piniḻí-Ku sin mohukum kon kotá tanaa in moiangoidon. Sia tuata in pobogoian-Ku kon kotá tanaa.’ ”

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

DANIEL 11:15

Onda intua datu kon butá in utuan mongopung kon kotá tobatú inta oyúon in tondok dinding bo mogagow. Tontara in butá in toḷatan diábí mokotongod, bo tontaranea mita inta nongotompiḻí diábí mokoponayow.