YEHEZKIEL 26:3 - Alkitab Singog In Mongondow Masa In Tanaa

³ Ki Tuhan Inta Totok in moḷantud in noguman, “Akuoi naa in musungmu, ei Tirus! Mobayongbí in bangusa in diaan-Ku sin monubu kon inimu, bo mosia in mamangoibí naonda bo bokoḷ in dagat.

YEHEZKIEL 26:3 Iomraidhean Croise

MAZMUR 107:25

Podudui in parenta-Nea nogirupdon in deḷang bo noponomburádon kon bokoḷ mita.

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 50:31

Babel, iko in moiḻiudon ḷantud in gina! Tuamai in Akuoi, ki Tuhan, Inta Totok in moḷantud, Allah Inta totok in mokawasa, moḷawang kon inimu. Wakutuneadon iko hukumon-Ku.

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

YEREMIA 51:42

Tubig kon dagat moiḻebet modapot in Babel; bokoḷnea mita mondoḷudut moyompat kon butá tatua.

YEREMIA 6:23

Mosia in nodia kon piot bo pandong; mosia in moraat bo diábí in ampung. Ná singog in dagat modoḷodok natuata in singog in sioḷ in kabaḷo monia inta sinakoian monia sin mamangoi monubu kon Yerusalem.”

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 26:19

Ki Tuhan Inta Totok in moḷantud in noguman, “Baḻíon-Ku in iko moingongow naonda bo kotá inta diá in intau. Koḷoban-Kubí in iko in tubig nongkon apad in baḷangon.

YEHEZKIEL 27:26

Mobobotoi mita nodia kon inimu minayá in baḷangon. Iko in dinumpak in tompot in pomukaan inta nondangat.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 29:10

dá Akuoi in mobaḻí musungmu, bo musung in Ongkag in Nilmu. Sinangkub in Mesir baḻíon-Ku butá inta moingongow totok pangkoion kon kotá in Migdol kon utuan modapot kon kotá in Aswan kon toḷatan, modapot kon pinosigadan in Sudan.

YEHEZKIEL 38:3

Pogumandon kon inia kon Akuoi, ki Tuhan Inta Totok in moḷantud, in musungnea.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

MIKHA 4:11

Nobayong in bangusa in nosipundon sin monubu kon inimu, ei Yerusalem! Mosia in noguman, “Yerusalem in mustibí rimumudon! Kami in mokoontongbí kon kotá tatua in mobaḻídon apug!”

NAHUM 2:12

Dungkuḷmai kon tua singa in modomok kon onu in kaanonnea, bo iyabi sin ogoinea kon kobaayan bo kon i adínea. Bonuannea kopuḻingon in dumunnea in tapú mita in mahaḷuk inta dinomoknea bo inta ain iyabi-yabinea.

NAHUM 3:5

Ki Tuhan Inta Totok in mokawasa in noguman, “Ei Niniwe, iko in rorigaan-Ku! Pilangan-Ku in iko kon tayowon in bangusa mita, dá kororaatmu koontongan monia.

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.

ZAKHARIA 9:4

Táe baḻíonbí i Tuhan mobiag mobogá. Bayongan in kaoyúonan in kotá tatua in ḷumbúon-Neabí kon bonu in dagat bo kotá tatua tontaní in modaitbí kaanon in tuḷú.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.