YEHEZKIEL 26:2 - Alkitab Singog In Mongondow Masa In Tanaa

² “Ei intau inta ilo-ilow, intau in Tirus ain nonggoḷokap poḷat moguman, ‘Yerusalem in norimumudon! Ropotnea kon podagangan noinggamádon! Diádon in sia nobaḻí saingan naton!’ ”

YEHEZKIEL 26:2 Iomraidhean Croise

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

MAZMUR 40:15

Biódon mako in intau inta moibog moḻimod kon inakó taḷowon bo moḷagui motoboḻingo. Biódon mako in intau inta monggiow kon susaku upeton modapot in umundok bo singkuḻeon.

MAZMUR 40:16

Biódon mako in intau inta kinumosing kon inakó moitaḻikokog bo mooyá.

MAZMUR 70:3

Biódon mako in intau inta moibog moḻimod kon inakó taḷowon bo moḷagui posibayá. Biódon mako in intau inta nonggiow kon rorigaku bongkugon bo singkuḻeon.

MAZMUR 83:7

bangusa in Edom bo Ismael, intau mita in Moab bo Hagar;

YESAYA 62:10

Intau in Yerusalem, ḷuaidon mongin bonawang, sadiadon in daḷan kon intau mita inta mobui. Aidaidon in daḷan moḷoben, ḷumbúdon in batunea, posindog in bandera mita kon bangusa mita.

YEREMIA 27:3

Sia in nopotabá doman kon inakó nopotaau in koyow-Nea kon i datu mita in Edom, Moab, Amon, Tirus bo Sidon, takin pinotonsigad kon totabá mita monia inta ain namangoi in Yerusalem sin mokipodungkuḷ kon i Datu Zedekia.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEREMIA 49:1

Naa inta pinoguman i Tuhan soaḷ Amon, “Nongonu sin butá in suku Gad in inagowbí bo iḻitúan in intau mita inta nosumba kon i Dewa Milkom? Eta degá diádon in intau in Israel inta mokoḷukad kon butá tatua?

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

YEHEZKIEL 25:10

Pomayá-Kubí in suku mita in bangusa nongkon rawang pomukaan in monaḷow kon Moab takin butá in Amon, dá Moab in diádon mobaḻí bangusa tobatú.

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YEHEZKIEL 25:8

Ki Tuhan Inta Totok in moḷantud in noguman, “Moab in noguman kon Yohuda tua in notongkai in bangusa mita ibanea.

YEHEZKIEL 26:1

Kon singgai imitánea kon buḷan inta sinantú kon bonu in taong impuḷú bo mitánea kon pinoḷumbúan kon inami, ki Tuhan in noguman kon inakó, kai-Nia,

YEHEZKIEL 35:10

Moiko in noguman kon pinomayá Yohuda andeka Israel bo butánea-butánea in hakmubí, bo mouḻíbí monimu umpakabí Akuoi, ki Tuhan, in ki Allah monia.

YEHEZKIEL 36:2

‘Kon tungkuḷ in bangusa mita kon diugmai nonubu poḷat nogagow kon i monimu, mosia in noningkuḻedon kon sinangkub in Israel. Takin pia in gina mosia in noguman kon tanaa in tombuḷud dungkuḷmai tatua nobaḻí kapunyaan monia. Tuamai, ei buḷud mita bo tombuḷud mita, tapá mita bo ḷopá, ei kotá inta ain nobaḻí apug bo inta sinaḷáandon in mogogutunnea poḷat doman pinogagowan bo siningkuḻe in bangusa mita kon diugneamai, indongogaidon onu in pinoguman i Tuhan Inta Totok in moḷantud kon inimu: Kon dodai in sinumagab in torú-Ku, sinorúan-Ku in bangusa mita inta kon diugmumai ḷontúnea kon tua in Edom, popisí in takin pia in gina bo takin doman aid moningkuḻe, ain nogagow kon butá-Ku bo nogagow kon rawang mita in bonoknea. Tanaa in tumorú in Akuoi popisí in bangusa mita tatua in noningkuḻedon totok bo nopoompámaidon kon i monimu.

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

YOSUA 19:29

Nongkon tua botok in sigad tatua nomurow ná Rama nomoḷat nodapot kon kotá in Tirus, tobatú kotá inta oyúon in benteng; onda intua botok sigad tatua nomurow bui ná Hosa bo nopaḷuput kon Dagat Toyuak. Kon sigad mita tatua noibonu in Mahalab, Akhzib,