YEHEZKIEL 10:3 - Alkitab Singog In Mongondow Masa In Tanaa

³ Naonda in sia sinumuot, kerub mita tatua in simindog mako kon dotá in toḷatan Baḷoi i Tuhan. Tongo kapung in goḷom nomuḻing kon palas kon bonunea bo sinangkub in Baḷoi Tuhan.

YEHEZKIEL 10:3 Iomraidhean Croise

KINOBAḺIAN 3:24

Onda intua, kon dotá in pomukaan kon taman tatua kon tayowon ngara tumuot, sinampat i Tuhan Allah in kerub mita, bo kedang tobatú modokot inta moburow monangkaḻibu magí mako, sin moḷukad kon daḷan mopobayá in pangkoi inta mobogoi in kobiagan tua. Natua inaidan i Allah dá diá tobatúmai intau in motaau tumuot bo dimiug kon pangkoi in kayu tatua.

IḶUAIAN 25:18

Pomiadon kon kerub doyowa nongkon buḷawan inta sinontaḷ,

YEHEZKIEL 43:4

Sindar mopouḻi-uḻinag tatua minayá nopobayá in bonawang kon dotá in pomukaan bodongka sinumuot kon bonu in Baḷoi Tuhan.

YEHEZKIEL 46:1

Ki Tuhan Inta Totok in moḷantud in noguman, “Bonawang dotá in pomukaan inta nopobayá in palas kon bonunea in mustibí umuran ḻingkopan kon bonu in onom nosinggai pogaidan. Bonawang tatua in tongábí motaau bukatan kon singgai in Sabat bo kon poramean kon singgai Moḷoben Buḷan Mobagu.

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

YEHEZKIEL 9:3

Bo sindar mokotuḷow inta nobaḻí tomponuot koangoian i Allah in Israel, nonindar nongkon kerub mita, bodongka nomamping nongkon tampatnea inta muna bo minayá in ngara tumuot in Baḷoi Tuhan. Dá ki Tuhan in nogoiní kon intau inta nogiḷambung in ḷambung linen tatua, kai-Nia,