YEHEZKIEL 10:2 - Alkitab Singog In Mongondow Masa In Tanaa

² Onda intua ki Allah in noguman kon intau inta nogiḷambung in linen tatua, “Tuotdon kon sigad in roda mita inta kon ḻimonag in kerub mita tatua, bo gamádon in toyangkom baga in tuḷú. Bo potabudon in baga tatua kon ḻimonik in kotá.” Sia in dinumudui, bo sinaridianku.

YEHEZKIEL 10:2 Iomraidhean Croise

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

MAZMUR 140:10

Dikabí pomayá mako in musungku mountung; biódon mako in tosingogon mita moraat inta siningog monia moiuma kon i monia inta noponapud in uboḷ kon inakó.

MAZMUR 18:10

Ḷangit binotak-Nea, bo noponag in Sia bo goḷom mosindip in kon ḻimonag in sioḷ-Nea.

IḶUAIAN 25:18

Pomiadon kon kerub doyowa nongkon buḷawan inta sinontaḷ,

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YEHEZKIEL 1:13

Kon yuak in mahaḷuk mita tatua in koontongan ná baga in tuḷú andeka poḷombow noyongkit inta tantú moḻiai diá in gogainea. Tuḷú tatua in moninda-nindar bo moporosik in kilatan mita in rosi.

YEHEZKIEL 9:11

Onda intua intau inta nogiḷambung in ḷambung linen tatua nobui bo nopotaau kon i Tuhan, kainia, “Bayongan in parenta i Tuhan ain inaidan.”

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

WAHYU 8:5

Nopaḷut mako kon tua malaekat tatua in nogamá kon tampat pototubáan kon kamania bodongka binonuannea in tuḷu inta nongkon tampat pobobogoian kon sosumba. Nopaḷut mako pinogarabnea kon butá naa. Dá totokdon nonggotup bo nongilat inta moyodudu-duduimai bo nobaḻídon in ḻinug.