YEHEZKIEL 1:10 - Alkitab Singog In Mongondow Masa In Tanaa

¹⁰ Batúan in mahaḷuk tatua in kopogot opat inta noyo-noyoposi; pogot in intau in kon muna, pogot in singa in kon dotá in koḷanan, pogot in bantong in kon dotá in koḷoigi, bo pogot in boniá in kon tumi.

YEHEZKIEL 1:10 Iomraidhean Croise

TAWARIKH 1 12:8

Kon tungkuḷ in ki Daud kon tampat poḷoḷukadan inta kon padang gurun, nobayong in pojuang inta ponango-nangoian bo inta kopongalaman nongkon suku in Gad namangoi dinumugang kon inia. Mosia tua in pojuang mita inta mongopandoi mopomaké in kaḻeaw bo pandong; mosia tua in koontongan mongobarani komintan naonda bo singa bo ḷoḷampang monia in mokaḻet naonda bo rusa.

AYUB 39:27

Parentamu degá inta dinuduian in ḷagapan boniá kon dodai in sia diápa nomia kon pugadnea kon buḷud inta moḷantud?

AMSAL 14:4

Aka diá in sapi, dá diábí doman in bungai in boyó; pinongin ropot in sapi, dá mobarongdon totok in bungai in boyó.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

YESAYA 46:8

Toropdon bo rai-raidon, ei intau mita moraat!

YEHEZKIEL 1:6

Táe kon batúannea pogotnea opat bo doyowa nogapang in koḻikip.

YEHEZKIEL 10:14

Batúan in kerub tatua opat in pogotnea inta noyoposi. Pogotnea muna in pogot in bantong, induanea pogot in intau, intoḷunea pogot in singa, bo inggopatnea pogot in boniá.

YEHEZKIEL 41:19

tobatú in pogot in intau inta sinumayow kon pangkoi in palem kon dotá in koḷoigi, bo pogot in singa in sinumayow kon pangkoi in palem inta kon dotá in koḷanan. Kurigan mita tatua in oyúonbí kon bayongan in Baḷoi Tuhan,

DANIEL 7:4

Inta muna batangannea in naonda bo singa, táe kokoḻikipan ná koḻikip in ḷagapan garuda. Naonda in inindoianku, daḻídon norabut in koḻikipnea bo noḷabú; noibingkat in sia nongkon butá bo pinosindog kon sioḷ doyowa naonda bo intau, bo inogoian in raian intau.

PINOGIAPAN 2:10

Kon dotá in toḷatan, tontara inta noniung kon bandera pinonobatúan i Ruben, musti mononḷoḷaigan podudui in tontara takin itoi monia tontaní kon bonu in pipidan tanaa: suku Itoi Kobayong intau Ruben Ki Elizur adí i Syedeur 46.500 Simeon Ki Selumiel adí i Zurisyadai 59.300 Gad Ki Elyasap adí i Rehuel 45.650 kobayongnea: 151.450 Pinonobatúan i Ruben musti mobuat kon induanea.

PINOGIAPAN 2:18

Kon dotá in toyopan, tontara inta nomaké in bandera pinonobatúan suku i Epraim musti mononḷoḷaigan podudui in tontara takin itoi monia tontaní kon bonu in pipidan tanaa: Suku Itoi Kobayong intau Epraim Ki Elisama adí i Amihud 40.500 Manasye Ki Gamaliel adí i Pedazur 32.200 Benyamin Ki Abidan adí i Gideoni 35.400 Kobayongnea: 108.100 Pinonobatúan suku i Epraim musti mayá kon tumi in suku i Lewi.

PINOGIAPAN 2:25

Kon dotá in utuan, tontara inta noniung kon bandera pinonobatúan in suku i Dan musti mononḷoḷaigan podudui in tontara takin itoi monia tontaní kon bonu in pipidan tanaa: Suku Itoi Kobayong intau Dan Ki Ahiezer adí i Amisyadai 62.700 Asyer Ki Pagiel adí i Okhran 41.500 Naptali Ki Ahira adí i Enan 53.400 Kobayongnea: 157.600 Pinonobatúan suku i Dan in tumi-tumimai mobuat.

PINOGIAPAN 2:3

Kon dotá in pomukaan, tontara mita inta nomaké in bandera pinonobatúan i Yohuda musti mogutun kon ḷoḷaigan podudui in tontara bo itoi monia tontaní kon bonu in pipidan tanaa: Suku Itoi Kobayong intau Yohuda Ki Nahason adí i Aminadab 74.600 Isakhar Ki Netaneel adí i Zuar 54.400 Zebulon Ki Eliab adí i Helon 57.400 kobayongnea: 186.400 Pinonobatúan i Yohuda musti totok kon muna mayá.

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.

WAHYU 4:7

Mahaḷuk inta ontongon muna naonda bo singa. Induanea in naonda bo sapi koḷakian. Intoḷunea in naonda bo pogot in intau. Inggopatnea in naonda bo boniá inta koḷayu-ḷayug.

WAHYU 5:5

Bo tobatú in intau nongkon sigad in itoi mita tatua in noguman kon inakó, “Donaai mongombaḷ! Indoiai! Singa nongkon suku in Yohuda, buí i Daud inta moḷoben, ain nountung. Sia in mokosanggup moḷosi kon meterai pitu tatua bo mobuká kon buk tatua.”

HAKIM MITA 14:18

Dá, kon singgai noginpitu kon dodai in mata in singgai diápa sinumoyop, intau mita in kotá tatua noguman kon i Simson, “Onu in moromi-romimit nongkon biluk? Bo onu doman in moropo-ropot nongkon singa?” Ki Simson notubag, “Aka moiko diá nopongata kon i buḷoiku, yo diábí kinotaauan monimu in mangaḻe in tangkí tatua!”