YAKOBUS 4:4 - Alkitab Singog In Mongondow Masa In Tanaa

⁴ Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.

YAKOBUS 4:4 Iomraidhean Croise

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

MAZMUR 21:8

Ki datu in umuran nongamang kon i Tuhan Inta Totok in moḷantud, sia in umuranbí moaman sin umuran kinotabi i Tuhan.

MAZMUR 50:18

Aka ontongon-Mu in mononakow, dumudui in iko kon inia, bo iko in moyobayat in intau mita inta moibog monuaḻing.

MAZMUR 73:27

Intau inta monaḷámai kon ini-Mu in moboditobí, Iyopú-Mu in intau inta diá motoḷutui kon ini-Mu.

YESAYA 57:3

Táe moiko inanakan mogogaid kon dosa, angoidon sin adilon! Moiko in diábí noiḻiu kon mososihir, intau inta moibog monuaḻing bo mopopotaḷui in awak!

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 9:2

Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YEHEZKIEL 16:32

Iko in naonda bo buḷoi bobay inta nomaḻidawan kon i buḷoinea ḷoḷaki bo nonuaḻing takin ḷoḷaki ibanea.

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

MATIUS 12:39

Táe ki Yesus notubag kon i monia, “Intau masa in naa in moraatbí bo inta doí dumudui kon onu inta ain pinoguman, mosia in moibog monuntut kon tanda. Táe mosia in diábí ogoian koḻikudbí in tanda i Nabi Yunus.

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

YOHANES 15:19

Aka kuma bo moiko nion in kapunyaan in dunia, dá kotabibí in dunia in moiko saḷaku kapunyaannea. Táe moiko ain piniḻí-Ku nongkon dunia naa, dá moiko in deeman bidon kapunyaan in dunia, tuamai dunia naa in mosaturu kon i monimu.

YOHANES 17:14

Pinotaau-Kudon kon i monia in Pirman i Amá bo mosia in sinaturu in dunia, sin deemanbí kapunyaan in dunia naa in mosia, ná doman Akuoi inta deemanbí kapunyaan in dunia.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

SURAT I PAULUS KON JAMAAT RUM 5:10

Sin tungkuḷpa in nobaḻí saturu i Allah in kita, kita pinoyodamedon takin-Nea inta pinodoyon kon kinopatoian i Adí-Nea, apa doman in tanaa naonda in hubungan naton takin i Allah notompiadon bui, tantú kita in posaḷamatonbí doman bui pongin kinobiagan i Kristus.

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.