YAKOBUS 3:2 - Alkitab Singog In Mongondow Masa In Tanaa

² Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

YAKOBUS 3:2 Iomraidhean Croise

DATU MITA IMITÁNEA 8:46

Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug,

TAWARIKH 2 6:36

Aka umat-Mu binaradosadon kon ini-Mu – totuubí kon diábí in tobatúmai in intau kon dunia naa in diá binaradosa – bo popisí in torú-Mu binió-Mudon mako in mosia sinaḷow in musung bo dinia nobaḻí intau inta dinakop pinobayá in butá inta moyayú andeka nodiug,

AYUB 15:13

Iko in sinumorú kon i Allah bo nomayow kon i-Nia.

MAZMUR 34:13

Moibog degá in moiko moumur in kobiagan bo motarima kon inta mopia?

MAZMUR 39:1

Kon i itoi in mododondong. Mazmur i Daud. Kon i Yedutun.

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.

AMSAL 13:3

Intau inta muna morai bo mosingog moaman in kobiagannea; intau inta tongá kino singo-singognea koantugan in roriga.

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

AMSAL 21:23

Sinbá moisimparut kon roriga, yo mustidon mokopoingat in mosingog.

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

IMAMAT 13:39

dá intau tatua musti taridion i imang. Aka oḷaap tatua koontongan diá totok in mobudó, sia in tongábí kinodakitan in oḷaap, bo sia in poniatadon kon nodaritbí.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 12:37

Sin singogmubí tua in monantú mongo iko kotaḷá andeka diá, bo iko in hukumon podudui in singogmu tontaní.”

SURAT I PAULUS KON JAMAAT RUM 3:10

Ná inta pinais kon bonu in Buk Motusi nanaa, “Diábí tobatúmai intau inta mobanar,

SURAT I PAULUS KON JAMAAT RUM 7:21

Dá nanaa in simpod in tosingogonku kon hukum tanaa; aka akuoi bo moibog mogaid kon onu inta mopia, dá tongábí inta moraat in momuká kon raianku.

KORINTUS 1 9:27

Táe ain bidon muna ilatihku in awakku bo nodaitku bidon kinawasa. Sinbá aka akuoi in modia kon intau tumakin kon poyotandingan tatua, yo akuoi in tantúbí doman tarimaan.

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

GALATIA 5:17

Sin onu inta kinoibog in intau noyoposibí in kinoibog i Allah, andeka nanaa, inta kinoibog i Allah in noyoposibí inta kinoibog in intau naa, tuamai in moiko diá motaau in mogaid kon onu inta koibog monimu.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

YAKOBUS 1:4

Ḷukadai sinbá umuran moropot in ginamu tua modapot in totu-totuudon mosompurna in moiko bo diádon kodai-daitan in bayongan yagi-yagi.

YAKOBUS 2:10

Intau inta noḷawang kon tobatú nongkon hukum mita i Allah, mangaḻenea kon tua nodaitneadon iḷawang in hukum tatua.

PETRUS 1 3:10

Kon bonu in Buk Motusi ain pinais nanaa, “Intau inta moibog moumur in kobiagan bo moibog doman mokorasa kon kobiagan mopia, yo mustibí ḷukadannea in bibig sinbá diá mongonguman kon inta mongoraat bo diá doman mongonguman kon inta diá totuu.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.