WAHYU 9:8 - Alkitab Singog In Mongondow Masa In Tanaa

⁸ Buok monia in naonda bo buok in bobay. Ingipon monia in naonda bo ingipon in singa.

WAHYU 9:8 Iomraidhean Croise

DATU MITA 2 9:30

Noiyaputdon in ki Yehu kon Yizreel. Naonda in kinodongogan i Izebel onu inta ain nobaḻí, nonoguḷanoi in sia kon buoknea bo nomaké in cilá, bo iḷumongow monag nongkon jandela in komaḻig.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

YESAYA 3:24

Tanaa in mosia mopomaké in mongo bo mongobondu, moiduduimai mobongkogdon in bó monia. Togot in ogotan monia inta moaḷus baḷuianbí in uwoi inta mokasar. Buok in uḷu monia inta mogaga in bangkuḷuganbí. Ḷambung monia inta mongopia toḻiuanbí in inta nongoberak. Tanaa moḷunat in mosia; kon singgai moiduduimai pogot monia in diá mopia popisí in dinaḷóan.

YOËL 1:6

Tontara in pangkoḷá nonubu kon butá naton; mosia in moropot bo diá koiyapan in kobayongnea, ingiponnea in ná koḷanit in uwaḷa in singa kobaayan.

SURAT I PAULUS KON JAMAAT RUM 9:29

Ki Yesaya in noguman doman nanaa, “Aka kuma bo ki Allah inta Totok in Mokawasa diá nonaḷámai kon i naton in buí, yo notantú bidon kon kita komintan in nobaḻí bidon naonda bo Sodom bo Gomora.”

TIMOTIUS 1 2:9

Ná doman tua in bobay donaai poiḻiuon in pomomakeang, paké in ḷambung inta motoinut in ontongon intau, bo inta diá mokooyá. Buok in donaai tuḷa-tuḷapidonmai, donaai mopomaké in buḷawan, mutiara andeka ḷambung inta mongomahaḷ.

PETRUS 1 3:3

Dikabí tongá koontongan kon ḷuai i moḷunat, ná umpama moḷambá kon buok andeka momaké in ḷambá ibanea mako, andeka mogiḷambung doman inta mongomahaḷ.