WAHYU 9:3 - Alkitab Singog In Mongondow Masa In Tanaa

³ Bo nongkon poyok tatua iḷumuaidon in pangkoḷá mita bo namangoi in butá. Pangkoḷá mita tatua inogoian in kawasa inta ná inta inogoi kon bambau.

WAHYU 9:3 Iomraidhean Croise

DATU MITA IMITÁNEA 12:11

Ki amáku nobogoi in oaidan inta mobogat kon inimu, táe akuoi in mobogoibí in inta moiḻiu in bogatnea kon tua. Sia in noposambok in sambok kon i monimu, táe akuoi in moposambokbí kon i monimu in sambok inta sinondugian in uatoi!”

TAWARIKH 2 10:11

Ki amáku nobogoi in oaidan inta mobogat kon inimu, táe akuoi in modugangbí kon kobogatnea kon tua. Sia in moposambok kon i monimu in sambok, táe akuoi in moposambokbí kon i monimu in sambok inta dodugian uatoi!’ ”

TAWARIKH 2 10:14

Pinodudui ná tonggina in intau mita inta nongobagupa, noguman in sia, “Ki amáku in nobogoi in oaidan mobogat kon inimu, táe dugangankupabi kobogaton in oaidan monimu tua. Sia in noposambok kon i monimu in sambok, táe sambokonkubí in moiko in sambok inta sinondugian in uatoi!”

YESAYA 33:4

Naonda bo paanan in pangkoḷá intau monubu bo mogagow kon kaoyúonan monia.

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

YOËL 1:4

Paanan in pangkoḷá inta diá koiyapan in kobayongnea, dinumompá kon gobá mita bo nokaan kon pinomuḷanea. Onu in sinaḷáan in paanan tanaa, inindaitan in paanan ibanea doman.

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

NAHUM 3:15

Onukabí in aidanmu, diábí in mangaḻenea, sin iko in notantúbí modait mopagong bo andeka matoi kon poparangan. Iko in moinggamábí naonda bo bungai in boyó kon gobá inta nodait kinaan in pangkoḷá. Iko in nobaḻídon nobayong naonda bo pangkoḷá!

NAHUM 3:17

Intau mita moḷoben bo pojabatmu in naonda bo paanan in pangkoḷá inta nogadop kon dinding mita kon dodai in notumping. Táe naonda in nomukádon in mata in singgai, mosia in baḷúdon iḷumayug bo minayá; diábí tobatúmai in intau in nonotaau mongo kon onda in binayáan monia.

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.

ULANGAN 8:15

Ki Tuhan nodia kon i monimu nongin padang gurun inta nobendar mako bo inta motoyang, inta mobayong in uḷag mobisa bo bambau. Kon butá inta moingkag diá in tubig binaḻí-Nea in tubig iḻumuai nongkon batu, sinbá moiko motaau monginum dapot in moguḻí in yogangmu.

WAHYU 9:5

Táe diábí inogoi in mosia moḻimod kon intau mita tatua, tongábí mopororiga kon i monia kon bonu in ḻima nobuḷan. Roriga inta nouḻí monia nongkon pangkoḷá mita tatua in naonda doman bo roriga bangiton in bambau.

WAHYU 9:7

Batangan in pangkoḷá mita tatua in naonda bo kabaḷo inta nobasadiadon moparang. Kon uḷu monia tua oyúon in naonda bo mahkota buḷawan, pogot monia in naonda bo pogot in intau.

HAKIM MITA 7:12

Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.