WAHYU 9:1 - Alkitab Singog In Mongondow Masa In Tanaa

¹ Bo malaekat iḻimanea in nogirup kon torompetnea, bo akuoi in nokoontong kon tobatú tundi noḷabú nongkon ḷangit. Tundi tatua inogoian kokunsi in irang popatoi.

WAHYU 9:1 Iomraidhean Croise

YESAYA 14:12

Ei datu in Babel, koḻipod iko in tundi modiug mobayag inta modoriang, táe tanaa in noḷabúdon nongkon ḷangit! Koḻipod iko in nonaḷow kon bangusa mita, táe tanaa in pinorobu kon butá.

LUKAS 10:18

Dá ki Yesus in noguman kon i monia, “Akuoi in nokoontong kon Ibilis noḷabú nongkon ḷangit naonda bo kilat.

LUKAS 8:31

Dá dimukud mita tatua in nopoigum kon i Yesus sinbá diá potabá-Nea in mosia mayá in Irang Popatoi.

SURAT I PAULUS KON JAMAAT RUM 10:7

ande ki ine in moponag kon dunia intau minatoi? (mangaḻenea mobingkat kon i Kristus nongkon sigad intau minatoi).”

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 11:7

Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.

WAHYU 20:1

Nopaḷut mako intua, akuoi in nokoontong kon tobatú malaekat noponag nongkon soroga. Malaekat tatua kokada-kadai in kokunsi in irang popatoi bo rante moḷoben.

WAHYU 20:10

Onda intua Ibilis inta nonguboḷ kon i monia tua, pinogambat kon yua-yuak in tuḷu bo balerang. Tua in tampat pinoḷumbúan kon mahaḷuk bo intau mita inta deeman totuu nabi, bo roriga monia tua in diábí mogoga-gogai doḷom bo singgai.

WAHYU 6:13

Tundi mita kon ḷangit nongoḷabú kon butá naonda bo bungai in ara inta diápa noguyang táe noḷabú sin inirup in tompot inta moropot.

WAHYU 8:10

Noiduduimai kon tua malaekat intoḷunea nogirup kon torompetnea, dá tundi tobatú inta moḷoben, inta koyongki-yongkit naonda bo poḷombow noḷabú nongkon ḷangit, bo noiḷabú kon sepertiga in ongkag mita bo bokaká.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

WAHYU 8:2

Bo akuoi in nokoontong kon pitu in malaekat inta sinimindog kon tayowon i Allah bo inogoian doman in torompet pitu in mosia.

WAHYU 9:2

Dá tundi tatua in nomukatdon kon ḷoḻingkop in bubú in irang popatoi tatua, dá iḷumuaidon in poyok nongkon bonunea naonda bo poyok kon tungku moḷoben. Mata in singgai bo baḷangon sinimindip lantaran poyok inta nongkon bubú tatua.