WAHYU 8:9 - Alkitab Singog In Mongondow Masa In Tanaa

⁹ Bo minatoi domandon in sepertiga in mahaḷuk mita inta kon dagat; bo sepertiga doman in kapaḷ mita noyoyang.

WAHYU 8:9 Iomraidhean Croise

MAZMUR 48:7

Kon tua mosia in nourot in ondok bo mogigon kon monakit, naonda bo bobay inta mononggadí,

IḶUAIAN 7:21

Toyá mita kon bonu in tubig tatua minatoi, bo totokdon in nobongkog, nodapot in intau mita in Mesir diá motaau monginum nongkon tubig tatua. Kon butá in Mesir komintandon oyúon in dugú.

YESAYA 2:16

Kapaḷ mita inta totok in moḷoben bo inta totok in mogaga in potaḷomonbí.

YESAYA 23:1

Naadon in koyow soaḷ Tirus. Ei ḷoḷumeag mita in Spanyol inta noḻibu kon baḷangon, pogamuidon! Kon dodai in iḷumeag nobui nongkon Siprus, moiko in pinopotaauan kon kotá in Tirus ain norimumud. Totubuan bo baḷoimu mita ain nobaḻí apat.

ZAKHARIA 13:8

bo kon sinangkub in butá 2/3 in intaunea in matoibí.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

WAHYU 12:4

Iputnea pinomorotnea, sahingga sepertiga in tundi nongototak kon butá. Naga tatua in simindog mako kon tayowon in bobay inta koyogot mononggadí tatua; sin monomayá moḻiom kon adí tatua aka pononggadídon i inánea.

WAHYU 16:3

Onda intua malaekat induanea in nopobutak domandon bonu in palonea kon bonu in dagat, dá tubig kon dagat in nobaḻídon dugú naonda bo dugú in intau minatoi. Bo minatoidon komintan in mahaḷuk inta nobiag kon bonu in dagat.

WAHYU 8:10

Noiduduimai kon tua malaekat intoḷunea nogirup kon torompetnea, dá tundi tobatú inta moḷoben, inta koyongki-yongkit naonda bo poḷombow noḷabú nongkon ḷangit, bo noiḷabú kon sepertiga in ongkag mita bo bokaká.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.

WAHYU 9:15

Dá binuḻiandon in malaekat opat tatua. Mosia tua in sinila-silaiandon in tugas, oyúon kon jam, kon singgai, kon buḷan bo kon taong sin moḻimod kon sepertiga nongkon bayongan in intau inta kon dunia naa.

WAHYU 9:18

Sepertiga intau kon dunia naa kinoḻimodan in roriga toḷu inta noiantug tatua. Toḷu in roriga tua in; tuḷu, poyok, bo balerang inta iḷumuai kon bibig in kabaḷo mita tatua.