WAHYU 8:3 - Alkitab Singog In Mongondow Masa In Tanaa

³ Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.

WAHYU 8:3 Iomraidhean Croise

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

IḶUAIAN 40:26

Mezbah buḷawan inukatneadon kon bonu in Ḷoḷaigan, kon tayowon in kaeng,

YESAYA 6:6

Onda intua tobatú kon sigad in mahaḷuk tatua iḷumayug namangoi kon inakó nodia kon baga inta sinupitnea nongkon mezbah.

YEHEZKIEL 41:22

Koḷantudnea in tometer bo tobotak bo kooḷadnea in tometer. Sikunea mita, taḷognea bo dindingnea in pinomia nongkon kayu. Ḷoḷaki tatua in noguman kon inakó, “Naa in meja inta kon tayowon in koangoian i Tuhan.”

AMOS 9:1

Akuoi in nokoontong kon ki Tuhan in sinimindog kon diug in mezbah. Sia in nomarenta nanaa, “Bongkugdon koropot totok in ubung mita in oigi in Baḷoi-Ku sinbá bayongan in dangkuḷonnea modandú. Popoumpagdon in oigi mita tatua kon intau mita. Mosia inta diá matoi in ḻimodon-Ku kon poparangan. Diábí tobatúmai in intau in mokoḷagui, diábí tobatúmai in moipaḷuput.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

PINOGIAPAN 4:11

Mopaḷut mako kon tua musti tondaton monia in kaeng nobidu tobatú kon tudu in mezbah inta nongkon buḷawan tatua, bo koḷoban bui in kuḻit moaḷus tobatú, bodongka ḷutudan in kayu tombuḻigan kon mezbah tatua.

LUKAS 1:10

Kon dodai in pinotubaan kon kamania, bayongan in intau nosipun kon ḷuai bo nosambayang.

SURAT I PAULUS KON JAMAAT RUM 8:34

Oyúon degá in intau moibog mopotaḷá kon i naton? Bain ki Kristus in mobela kon i naton! Siabí tua inta ain minatoi, táe Siabí doman tua inta ain biniag bui nongkon kinopatoian bo kon tampatdon i Allah inta mokawasa.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 14:18

Nopaḷut mako kon tua, tobatú malaekat ibanea, inta nongawasa kon tuḷu, namangoi nongkon meja pototuduan kon sosumba. Sia nomaḷú noropot kon malaekat inta nokadai kon sabit moḷanit tatua, “Pongaḷoidon in sabit-Mu nion bo sabitdon in bungai mita in anggur inta kon dunia sin nogurangdon mita in bungainea!”

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.

WAHYU 7:2

Bo akuoi in nokoontong kon tobatú malaekat ibanea inta noitukat nongkon dotá in pomukaan singgai. Sia in nodia kon meterai nongkon i Allah inta nobiag. Noropot in pinogogoinínea kon malaekat opat inta ain nokouḻí kon kawasa nongkon i Allah sin pomoguyaat kon butá bo dagat.

WAHYU 8:4

Poyok in kamania tatua mamonik takin sambayang in umat mita i Allah. Kamania tatua kokada-kadai in malaekat inta sinimindog mako kon tayowon i Allah.

WAHYU 8:5

Nopaḷut mako kon tua malaekat tatua in nogamá kon tampat pototubáan kon kamania bodongka binonuannea in tuḷu inta nongkon tampat pobobogoian kon sosumba. Nopaḷut mako pinogarabnea kon butá naa. Dá totokdon nonggotup bo nongilat inta moyodudu-duduimai bo nobaḻídon in ḻinug.

WAHYU 9:13

Onda intua, malaekat inta inggonomnea in nogirup kon torompetnea. Dá dinongogkudon in singog iḷumuai nongkon siku mita in meja pogogukatan kon sosumba inta pinomia nongkon buḷawan, inta inukat kon tayowon i Allah.