WAHYU 7:3 - Alkitab Singog In Mongondow Masa In Tanaa

³ Malaekat tatua in noguman: “Donaaipa momoguyaat kon butá andeka kon dagat, ande pangkoi mita in kayu aka diápa kinompitan nami in meterai in pogot mita in intau inta ain nogaid kon oaidan mita i Allah naton.”

WAHYU 7:3 Iomraidhean Croise

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

IḶUAIAN 12:23

Kon dodai in ki Tuhan modondaḷoi kon butá tanaa sin moḻimod kon intau mita in Mesir, ki Tuhan in mokoontong kon dugú inta kon oigi ḷoḻingkop doyowa bo kon ngara kon dotá in ḻimonik; dá tongá taḻiban-Nea mako natua bo diá ogoi-Nea in Malaekat Maut tumuot kon baḷoimu sin moḻimod kon i monimu.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YESAYA 6:13

Modapot in aka kon sigad in intau mopuḷú oyúonpa in tobatú inta nogutun kon butá tatua, sia in yopúonbí doman. Táe naonda bo pangkoi in nunuk aka pupuḷon yo oyúonpa in tuodnea, natua doman oyúonpa in ki agat in bangusa tatua inta nobaḻí pomangkoian in umat inta motusi.”

YESAYA 65:8

Ki Tuhan in moguman, “Bungai in anggur inta oyúonpa in tubignea in diábí ḷumbúon, táe baḻíondon tubig in anggur. Natua doman in bangusa-Ku diábí yopúon-Ku komintan, sin kon sigad monia oyúonpa inta mogundoi kon i-nakó.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 3:26

Bo ki Nebukadnezar in dinimiug kon ngara in pinonontuḷúan tatua bo nomaḷú, “Sadrakh, Mesakh bo Abednego, mogogundoi mita i Allah Inta Totok in moḷantud! Ḷuaidon nongkon tuḷú tanion!” Dá iḷumuaidon in mosia.

DANIEL 6:16

Onda intua intau mita tatua bui namangoi kon tayowon i datu bo noguman, “Tuangku, mustibí toropon i Tuangku kon podudui in undang-undang in Media bo Persia, parenta inta ain pinoḷuai i datu in diábí motaau baḷú-baḷuian.”

ZEPANYA 2:3

Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

MATIUS 24:22

Bo aka kuma bo wakutunea naa bo diá impoḷokan; yo kon bayongan inta nobiag diábí in mosaḷamat. Tongá popisí in intau mita inta sinokopiḻídon dá wakutu tatua inimpoḷokandon.

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YOHANES 3:33

Sin intau inta mopirisaya kon onu inta inouman-Nea tatua, akúonneabí kon ki Allah tua in mobanar.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

WAHYU 13:16

Bayongan intau, moḷoben bo mointok, mobiag nooyúon bo nobiag nobogá, ata bo intau nobebas pinakisa in mahaḷuk tatua motarima kon tanda kon ḻima monia koḷanan andeka kon pogot monia.

WAHYU 13:17

Diábí tobatúmai intau motaḷui andeka mopotaḷui in onukadon, aka diá in tanda tatua. Tangoi in mahaḷuk tatua in pinonontanda, andeka angka inta nobaḻí tanda in tangoi tatua.

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

WAHYU 14:9

Malaekat intoḷunea dinumudui doman kon malaekat taya dua tatua bo sindaḷan doman nopobaḷú noropot, nanaa, “Intau inta mosumba kon mahaḷuk tatua takin patongnea, bo oyúon tanda in mahaḷuk tatua kon pogot ande kon ḻimanea,

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

WAHYU 22:4

Mosia in mokoontong kon pogot-Nea, bo tangoi-Nea in paisondon kon pogot monia.

WAHYU 6:6

Bo akuoi in nokodongog kon naonda bo singog inta nomaḷú nongkon yua-yuak in mahaḷuk opat tatua, noguman, “Gandum mopia toliter, pogaidan tosinggai in boḻinea, bo gandum ibanea toḷu noliter, boḻinea in pogaidan doman tosinggai. Táe dika momoguyaat kon pangkoi mita in zaitun bo gobá in anggur!”

WAHYU 7:1

Nopaḷut mako kon tua, akuoi in nokoontong kon malaekat opat inta sinimindog kon siku in dunia opat. Mosia in nomompon kon tompot inta nongkon siku opat in dunia naa sinbá diádon in tompot mogirup kon toba, kon dagat bo kon kayu mita.

WAHYU 7:2

Bo akuoi in nokoontong kon tobatú malaekat ibanea inta noitukat nongkon dotá in pomukaan singgai. Sia in nodia kon meterai nongkon i Allah inta nobiag. Noropot in pinogogoinínea kon malaekat opat inta ain nokouḻí kon kawasa nongkon i Allah sin pomoguyaat kon butá bo dagat.

WAHYU 9:4

Mosia tua in diábí inogoi momoguyaat kon bonok, ande kayu mita, ande pinomuḷa ibanea mako. Táe ogoibí in mosia mogaḷow kon intau mita inta diá kinompitan in meterai i Allah kon pogotnea.