WAHYU 6:2 - Alkitab Singog In Mongondow Masa In Tanaa

² Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.

WAHYU 6:2 Iomraidhean Croise

MAZMUR 110:2

Nongkon Sion ki Tuhan in mopooḷadbí in dodatuanmu; kawasaaidon in musungmu mita!

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

ZAKHARIA 1:8

akuoi in nokoontong kon malaekat i Tuhan in sinumakoi kon kabaḷo nopura tobatú. Sia in sinumogon kon ḷopá tobatú kon sigad in pangkoi mita in murad. Kon tumineamai sinimindog doman in tongonumai in kabaḷo ibanea, oyúon in nopura, inta nokasumba, bo inta nobudó.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

WAHYU 14:14

Noiduduimai kon tua, akuoi nokoontong kon tobatú goḷom mobudó. Kon tudu in goḷom tatua oyúon in tobatú intau iḻimitú naonda bo intau. Sia in nogi bandow in mahkota buḷawan bo kokada-kadai in sabit inta moḷanit.

WAHYU 15:2

Nopaḷut mako kon tua akuoi in nokoontong kon inta koontongan naonda bo dagat kaca inta noyobauk in tuḷu. Akuoi in nokoontong doman kon intau mita inta ain nountung nongkon mahaḷuk bo patongnea tatua, bo nokountung domandon kon intau inta tangoinea ain sinontandaan in angka. Intau mita inta ain nountung tatua in sinimindog kon bingkí in dagat kaca bo kokada-kadai in kecapi inta inogoi i Allah kon i monia.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 19:14

Bayongan tontara in soroga dinumudui kon i-Nia; mosia in sinumakoi kon kabaḷo mita nobudó, bo nomaké in ḷambung moaḷus inta totok in nobudó.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 9:7

Batangan in pangkoḷá mita tatua in naonda bo kabaḷo inta nobasadiadon moparang. Kon uḷu monia tua oyúon in naonda bo mahkota buḷawan, pogot monia in naonda bo pogot in intau.