WAHYU 5:1 - Alkitab Singog In Mongondow Masa In Tanaa

¹ Noiduduimai kon tua akuoi in nokoontong kon ḻitodan buk kon ḻima koḷanan i Intau inta iḻimitú kon tampat pomomarentaan tatua. Buk tatua nopuḻing in pais kon posi-ḷosi bo kinompitan in meterai pitu.

WAHYU 5:1 Iomraidhean Croise

YESAYA 29:11

Mangaḻe in batúan oontongon moibunibí kon inimu, naonda bo buk inta sinegel. Aka buk tatua diaan kon intau tobatú inta motaau mobaca sinbá bacaannea intua kon inimu, sia in mogumandon kon sia in diábí mokobaca, popisí in buk tatua sinegel.

YESAYA 34:16

Tayakdon bo bacadon kon bonu in Buk i Tuhan: Diábí tobatúmai in nongkon bayongan in biag tatua in mobuḻi andeka diá kogapang. Sin natuata in parenta i Tuhan, bo Sia tontaní inta ain nosipun kon i monia.

YESAYA 8:16

Moiko, murí-ku mita musti motagú bo moḷukad kon koyow mita inta inogoi i Allah kon inakó.

DANIEL 8:26

Oontongon soaḷ kuruban muḷoi in ḷoḷabungnea bo muḷoi in doḷo-doḷom inta ain ininsilangan kon inimu tatua, in totu-totuubí kon mobaḻí. Táe tua komintan in mobaḻíbí kon singgai moiduduimai inta moonggotpa; dá dikadon oumanon kon i ineka.”

ZAKHARIA 5:1

Sinaridianku bui, bo tanaa inontongku in ḻitodan in buk inta pinoḷayug in tompot.

WAHYU 10:2

Sia kokada-kadai in ḻitodan buk mointok inta noibuká mako. Sioḷnea koḷanan in nomuntuk kon dagat bo sioḷnea koḷoigi in nomumtuk kon toba.

WAHYU 4:3

Pogot in intau tatua in monindar naonda bo batu permata inta moḷunow in batangannea bo naonda doman bo batu delima. Bo tobatú aḻibobag inta naonda bo koḷunow in ḷumut noibongkow kon tampat pomomarentaan tatua.

WAHYU 4:9

Mahaḷuk opat tatua in pomuḷoi mako mopoyaput in dodayow mita, horomat bo sukur kon i-Nia inta iḻimitú kon tampat pomomarentaan tatua, inta tantú nobiag bo inta diá mato-matoi.

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”

WAHYU 5:7

Onda intua ki Adí in Domba tatua inumuna bo nogamá kon ḻitodan in buk tatua nongkon ḻima koḷanan in intau inta iḻimitú mako kon tampat pomomarentaan tatua.

WAHYU 6:1

Onda intua inontongku ki Adí in Domba tatua noḷosi kon meterai muna inta kon sigad in meterai pitu tatua. Bo dinongogku in tobatú mahaḷuk inta kon sigad in mahaḷuk opat tatua in noguman, “Igai!” Singog-Nea naonda bo singog in gotup.

WAHYU 6:16

Bo mosia in nomaḷú in noguman kon batu mita, “Bumbunaidon in kami! Bo bunidon kon i-Nia inta iḻimitú kon tampat pomomarentaan tatua bo nongkon torú Adí in Domba tatua!

WAHYU 8:1

Naonda Adí in Domba tatua nomukat kon meterai inta impitunea, soroga nobaḻí noingongow totok degá tobotakmai in jam koonggotnea.