WAHYU 4:7 - Alkitab Singog In Mongondow Masa In Tanaa

⁷ Mahaḷuk inta ontongon muna naonda bo singa. Induanea in naonda bo sapi koḷakian. Intoḷunea in naonda bo pogot in intau. Inggopatnea in naonda bo boniá inta koḷayu-ḷayug.

WAHYU 4:7 Iomraidhean Croise

KINOBAḺIAN 49:9

Ki Yohuda naonda bo singa batánea; sia in moḻimod kon kokaanonnea bodongka bui mayá kon dumunnea; sia momuḻikai bodongka umuḻid, bo diá tobatúmai intau mokobaḻí monuyayow kon inia.

SAMUEL 2 1:23

Ki Saul bo ki Yonatan, totuu mopia in pososingog bo kinotabi; umuran motobatú kon bonu in nobiagpa nodapot in minatoidon; mosia in moḻika-ḻikat in ḷagapan garuda, moropo-ropot nongkon singa batánea.

AMSAL 28:2

Aka bangusa baradosaan, pongawasanea in umuran baḷuian; aka itoi bo mobijaksana, yo bangusa in umuranbí koḷukadan bo tantúbi ponango-nangoian.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

YEHEZKIEL 1:10

Batúan in mahaḷuk tatua in kopogot opat inta noyo-noyoposi; pogot in intau in kon muna, pogot in singa in kon dotá in koḷanan, pogot in bantong in kon dotá in koḷoigi, bo pogot in boniá in kon tumi.

YEHEZKIEL 1:8

Koḻikud in kopogot opat bo kokoḻikip doyowa nogapang tua, mosia in ḷoḻimaan doman ná ḻima in intau inta kon ḻimonag in batúan in koḻikip.

YEHEZKIEL 10:14

Batúan in kerub tatua opat in pogotnea inta noyoposi. Pogotnea muna in pogot in bantong, induanea pogot in intau, intoḷunea pogot in singa, bo inggopatnea pogot in boniá.

YEHEZKIEL 10:21

Kerub mita tatua kon batúannea opat in pogotnea, doyowa nogapang in koḻikip, bo oyúon doman in inta ná ḻima in intau kon ḻimonag in koḻikip mita tatua.

DANIEL 7:4

Inta muna batangannea in naonda bo singa, táe kokoḻikipan ná koḻikip in ḷagapan garuda. Naonda in inindoianku, daḻídon norabut in koḻikipnea bo noḷabú; noibingkat in sia nongkon butá bo pinosindog kon sioḷ doyowa naonda bo intau, bo inogoian in raian intau.

OBAJA 1:4

Umpakabí pomiaanmu in baḷoimu ná koḷantud in pugad in ḷagapan boniá, bo ná koḷantud in tundi mita kon ḷangit, yo iko in notantúbí kon pogonag-Ku.

PINOGIAPAN 23:24

Bangusa tatua nobangon naonda bo singa kobaayan, bo simindog motorindog naonda bo singa koḷakian. Diábí in sia mosiug aka diápa mokaan kon onu in kokaanonnea bo monginum kon dugú in kuruban inta dinomoknea.”

PINOGIAPAN 24:9

Bangusa tatua naonda bo singa koḷakian bo singa kobaayan, inta tumongkob bo umuḻid. Ki ine in mokobaḻí mopobangon kon inia? Poigumon mako intau inta momarakat kon inimu in barakatan doman, bo intau inta mongutuk kon inimu in kutukon doman.”

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.

WAHYU 4:6

Bo kon tayowon in tampat pomomarentaan tatua oyúon doman in dagat inta ontongon naonda bo kaca, motarang naonda bo kristal. Kon yua-yuak bo kon ḻibumai mita in tampat pomomarentaan tatua oyúon in mahaḷuk opat, mahaḷuk inta kon dotá in munanea bo tuminea nopuḻing in mata.

WAHYU 6:3

Onda intua ki Adí in Domba tatua in noḷosi kon meterai induanea, bo dinongogku in mahaḷuk induanea in noguman, “Igai!”

WAHYU 6:5

Naonda in ki Adí in Domba nomukat kon meterai intoḷunea, dinongogkudon in mahaḷuk inta intoḷunea in noguman, “Igai!” Akuoi inimindoi, dá inontongkudon in tobatú kabaḷo morondí. Ki inta sinumakoi kon kabaḷo tatua in nokadai kon pononimbangan.

WAHYU 6:7

Noiduduimai kon tua ki Adí in Domba tatua in nomukatdon kon meterai inggopatnea. Bo dinongogku in mahaḷuk inta inggopatnea tatua noguman, “Igai!”