WAHYU 4:2 - Alkitab Singog In Mongondow Masa In Tanaa

² Baḷúdon in akuoi kinawasaan in Roho i Allah. Bo inontongku kon soroga oyúon in tobatú tampat pomomarentaan, bo oyúon doman in tobatú intau iḻimitú kon tampat pomomarentaan tatua.

WAHYU 4:2 Iomraidhean Croise

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

MAZMUR 11:4

Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.

YEREMIA 17:12

Baḷoi i Tuhan naton naonda bo pomomarentaan inta momulia, kon buḷud inta moḷantud nongkon dungkuḷmai.

YEHEZKIEL 1:26

Kon tudu in kubah tatua oyúon in ná batangan in ḷoḻitúan pomomarentaan nongkon batu in nilam, bo kon tudunea iḻimitú inta koontongan ná intau.

YEHEZKIEL 1:28

bo nopoyagi-yagimai in batangannea naonda bo aḻibobag. Tuata in bayag motarang inta mopoontong kon kinoangoian i Tuhan. Nokoontongmai kon tua, noitongkob in akuoi kon butá. Bo kinodongoganku in singog inta

YEHEZKIEL 10:1

Bo akuoi in inimindoi kon kubah inta kon ḻimonikanmai in uḷu in kerub mita tua, bo oyúon doman in inontongku inta naonda bo ḷoḻitúan pomomarentaan nongkon batu nilam.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

MATIUS 22:43

Dá Sia in noguman, “Aka natua, yo nongonu sin ki Daud inta kinawasaan in Roho i Allah monangoi kon i-Nia, ‘Ki Tuangnea,’ kon wakutu in sia nosingog,

IBRANI 8:1

Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.

WAHYU 12:5

Bo bobay tatua in nopononggadídon in tobatú adí ḷoḷaki inta momarenta kon bayongan intau kon dunia naa takin tungkud uatoi, táe adí tatua baḷú bo inagow nongkon i inánea bo dinia kon i Allah kon tayowon pomomarentaan-Nea.

WAHYU 17:3

Bo akuoi in kinawasaan in Roho i Allah bo dinia in malaekat tatua kon padang gurun. Kon tua akuoi in nokoontong kon tobatú bobay inta iḻimitú kon tudu in tobatú mahaḷuk inta nopars in batangannea. Mahaḷuk tatua nopuḻing in pais inta pohojat kon i Allah. Pitu in uḷu in mahaḷuk tatua bo mopuḷú in tungoinea.

WAHYU 19:4

Dá doyowa nopuḷú boopat in itoi mita tatua bo mahaḷuk opat inta iḻimibu kon tampat pomomarentaan tatua sinumungkud bo nosumba kon i Allah inta iḻimitú kon tampat pomomarentaan tatua. Mosia in noguman doman, “Amin! Dayowdon in ki Allah!”

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 21:10

Dá Roho i Allah in nongawasa kon inakó, bo malaekat tatua in nodia kon inakó minayá kon tudu in buḷud inta moḷantud totok. Bo sinundúnea kon inakó in Yerusalem, kotá inta mokudus tatua, kotá inta noponag nongkon soroga inta nongkon i Allah,

WAHYU 21:5

Bo Sia inta iḻimitú kon tampat pomomarentaan tatua in noguman, “Tanaa komintandon binaḻí-Ku mobagu!” Sia in noguman doman kon inakó, “Paisdon in naa, sin singog mita tanaa in totuubí bo motaaubí pirisayaan.”

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 4:10

Bo kon wakutu in mahaḷuk mita tatua modondong, dá itoi inta doyowa nopuḷú bo opat tatua in tumungkud kon tayowon in intau inta iḻimitú kon tampat pomomarentaan tatua bo mosumba kon i-Nia inta tantú nobiag bo diá mato-matoi. Onda intua mosia in mopogarab in mahkota monia kon tampat pomomarentaan tatua poḷat mosingog,

WAHYU 4:5

Nongkon tampat pomomarentaan tatua noisindar magí in kilat bo iḷumuai in singog in gotup inta moyo-moyodudui. Bo kon tampat pomomarentaan tatua oyúon in poḷombow pitu inta koyongki-yongkit; tuata in Roho i Allah taya pitu.

WAHYU 4:9

Mahaḷuk opat tatua in pomuḷoi mako mopoyaput in dodayow mita, horomat bo sukur kon i-Nia inta iḻimitú kon tampat pomomarentaan tatua, inta tantú nobiag bo inta diá mato-matoi.

WAHYU 5:1

Noiduduimai kon tua akuoi in nokoontong kon ḻitodan buk kon ḻima koḷanan i Intau inta iḻimitú kon tampat pomomarentaan tatua. Buk tatua nopuḻing in pais kon posi-ḷosi bo kinompitan in meterai pitu.

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”

WAHYU 6:16

Bo mosia in nomaḷú in noguman kon batu mita, “Bumbunaidon in kami! Bo bunidon kon i-Nia inta iḻimitú kon tampat pomomarentaan tatua bo nongkon torú Adí in Domba tatua!