WAHYU 4:10 - Alkitab Singog In Mongondow Masa In Tanaa

¹⁰ Bo kon wakutu in mahaḷuk mita tatua modondong, dá itoi inta doyowa nopuḷú bo opat tatua in tumungkud kon tayowon in intau inta iḻimitú kon tampat pomomarentaan tatua bo mosumba kon i-Nia inta tantú nobiag bo diá mato-matoi. Onda intua mosia in mopogarab in mahkota monia kon tampat pomomarentaan tatua poḷat mosingog,

WAHYU 4:10 Iomraidhean Croise

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 2 7:3

Naonda in rayat in Israel nokoontong kon tuḷú namonag nongkon ḷangit bo sindar kinoangoian i Tuhan nomuḻing kon Baḷoi Tuhan, noitungkud in mosia kon taḷog bo nosumba poḷat nodayow kon i Allah, sin mopia in Sia bo tabi-Nea in mononoi.

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

MAZMUR 47:8

Ki Allah in datu kon sinangkub in butá, dayowondon in Sia in dondong inta mopia!

MAZMUR 72:11

Bayongan in datu in dumokóbí kon tayowonnea, bayongan in bangusa mobaḻí atanea mita.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

LUKAS 24:52

Baḷú in mosia sinumungkud bo nosumba kon i-Nia. Onda intua nobuidon mosia kon Yerusalem takin sanang gina,

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot:

WAHYU 10:6

Sia in nongibot pinodoyon kon tangoi i Allah inta diá mato-matoi bo inta ain nomia kon ḷangit bo butá, dagat bo bayongan in tombonunea. Malaekat tatua in noguman, “Wakutunea in diá bidon sorongon bui!

WAHYU 11:16

Dá itoi inta doyowa nopuḷú bo opat inta iḻimitú kon tampat pomomarentaan monia kon tayowon i Allah in sinumungkudon mita bo nosumba kon i Allah.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 15:7

Onda intua, tobatú mahaḷuk inta nongkon sigad in mahaḷuk opat tatua in nobogoi kon malaekat pitu tatua in palo pitu inta nongkon buḷawan bo inta nopuḻing in torú i Allah, Ki Allah inta nobiag mononoi.

WAHYU 19:4

Dá doyowa nopuḷú boopat in itoi mita tatua bo mahaḷuk opat inta iḻimibu kon tampat pomomarentaan tatua sinumungkud bo nosumba kon i Allah inta iḻimitú kon tampat pomomarentaan tatua. Mosia in noguman doman, “Amin! Dayowdon in ki Allah!”

WAHYU 4:2

Baḷúdon in akuoi kinawasaan in Roho i Allah. Bo inontongku kon soroga oyúon in tobatú tampat pomomarentaan, bo oyúon doman in tobatú intau iḻimitú kon tampat pomomarentaan tatua.

WAHYU 4:4

Noiḻibu kon tampat pomomarentaan tatua, oyúon doman doyowa nopuḷú bo opat in tampat pomomarentaan ibanea. Kon tampat mita tatua doyowa doman nopuḷú bo opat in itoi iḻimitú. Mosia in nogiḷambung nobudó bo nomaké in mahkota buḷawan.

WAHYU 4:9

Mahaḷuk opat tatua in pomuḷoi mako mopoyaput in dodayow mita, horomat bo sukur kon i-Nia inta iḻimitú kon tampat pomomarentaan tatua, inta tantú nobiag bo inta diá mato-matoi.

WAHYU 5:14

Dá mahaḷuk opat tatua in notubag: “Amin!” Bo itoi mita tatua in sinumungkud bo nosumba.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.

WAHYU 7:11

Bayongan in malaekat sinimindog iḻimibu kon tampat pomomarentaan tatua bo kon itoi mita takin mahaḷuk opat tatua. Malaekat mita tatua in sinumungkud kon tampat pomomarentaan tatua bo nosumba kon i Allah.