WAHYU 4:1 - Alkitab Singog In Mongondow Masa In Tanaa

¹ Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”

WAHYU 4:1 Iomraidhean Croise

IḶUAIAN 1:1

Ki Yakub inta sinangoian doman ki Israel, minayá in Mesir takin ki adínea mita bo ginaḷum monia. Naa in ki adí mita i Yakub:

IḶUAIAN 19:24

Tubag i Tuhan, “Posiḻigdon, bo buidon angoi in naa takin ki Harun. Táe imang mita bo rayat mita in diábí motaau in ḻimimpat kon tomboinig sin mamangoi kon i-Nakó. Aka mosia ḻimimpat, yo hukumon-Ku in mosia.”

IḶUAIAN 24:12

Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”

AMSAL 25:7

Mopia-piabí kon pokipoḻitúan kon tampat inta mopia-pia dika pokipomampingan kon ḷoḻitúan sin ḻitúan in intau inta kon ḻimonikanmu.

YEHEZKIEL 1:1

Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

MARKUS 1:10

Naonda in ki Yesus nobatundon nongkon tubig tatua, inontong-Nea in ḷangit nobukat bo Roho i Allah noponag dinumompá kon i-Nia naonda bo paḷoma.

LUKAS 3:21

Naonda in nodaitdon binaptis in intau mobayong kon tua, ki Yesus namangoi doman nokibaptis. Koyogot in baptison, Sia nosambayang bo ḷangit nobukat,

YOHANES 16:13

Táe aka Roho tatua mamangoi, ki Inta moponiata in kobobanar soaḷ ki Allah, yo diaan-Neabí in moiko bo tundúon monotaau kon bayongan kobobanar tatua. Sin Sia in diábí mosingog podudui in ibog-Nea tontaní, táe mogumanbí kon onu in dinongog-Nea, bo poguman-Neabí kon inimu onu in mobaḻí kon singgai moiduduimai.

OUMAN IN RASUL MITA 10:11

Inontongnea in ḷangit nobukat bo oyúon in naonda bo daing nooḷad noituntun monag kon butá, bo noibambé kon opat nosudut.

OUMAN IN RASUL MITA 7:56

Ki Stepanus in noguman, “Indoiai, inontongku in soroga nobukat bo ki Adí Intau sinimindog kon dotá in koḷanan i Allah!”

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.

WAHYU 1:12

Akuoi in nobobui ná tumi sin moindoi mongo ki ine inta noguman kon inakó tua. Bo inontongku pitu in sioḷ pototuduan kon togá inta pinomia nongkon buḷawan.

WAHYU 1:19

Sin tuamai, paisdon in soaḷ mita inta inontongmu, tuata in soaḷ mita inta oyúon tanaa mako, bo soaḷ mita inta mobaḻí kon singgai moiduduimai.

WAHYU 11:12

Onda intua nabi doyowa tatua in nokodongogdon kon singog moropot inta nogoiní nongkon soroga, “Koḻigai onikdon in naa!” Bo koonto-ontongdon doman in saturu monia, mosia namonikdon in soroga kooḻi-oḻiung in goḷom.

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

WAHYU 22:6

Nopaḷut mako malaekat tatua in noguman kon inakó nanaa, “Singog mita tanaa in totuubí bo motaaubí pirisayaan. Ki Tuhan Allah inta nobogoi in Roho-Nea kon nabi mita, aindon nopotabá in malaekat sin mopoontong kon bobantung-Nea mita in onu inta ḷagidon mobaḻí.”