WAHYU 3:16 - Alkitab Singog In Mongondow Masa In Tanaa

¹⁶ Moiko nion in moanai; diá mopatú, táe diá doman motumping. Tuamai moiko in ḷuáan-Ku nongkon bonu in bibig-Ku.

WAHYU 3:16 Iomraidhean Croise

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.

WAHYU 3:15

Kinotaauan-Ku onu in inaidan monimu: Kinotaauan-Kubí kon moiko nion in diá motumping táe diá doman mopatú. Maníka bo tongádon motumping ande tongá mopatú!

WAHYU 3:17

Moiko in mosingog: ‘Kami in nobiag nooyúon bo bayongan in yagi-yagi komintandon oyúon; diádon in nogaat kon i nami.’ Táe diábí kinotaauan monimu kon moiko nion in nobiagbí nomalarat totok, bo totok doman in mokoajar kon gina in kaadaan monimu nion! Moiko nion in nomasiking, diá koḷambu-ḷambung, bo bilog.