WAHYU 3:10 - Alkitab Singog In Mongondow Masa In Tanaa

¹⁰ Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 3:10 Iomraidhean Croise

YESAYA 24:17

Indongogaidon, ei bayongan in intau kon dunia! Kodoḻiokan, poyogaḷap bo potait mogoḷatdon mako kon i monimu.

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MATIUS 24:14

Bo Habar Mopia kon ki Allah in mamangoi momarenta saḷaku Datu in popotaaudon kon bayongan intau kon dunia naa, sinbá bayongan in intau mokodongogdon kon tua. Bain mobaḻí komintan intua bo moiangoidon in kiamat.”

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

MARKUS 14:9

Pirisayadon singog-Ku! Kon dunia naa, kon ondakabí in popohabaran in Habar Mopia nongkon i Allah, yo aid in bobay tanaa in umuranbí domandon oumanon sin monorop kon inia.”

LUKAS 2:1

Kon wakutu intua ki Kaisar Agustus nomarenta nokipais in tangoi in bayongan intau kon dodatuan in Rum.

YOHANES 17:6

Pinotaau-Kudon in ki Amá kon bayongan in intau kon dunia naa inta ain inogoi i Amá kon i-Nakó. Ki Amábí in kitogi kon i monia tua, bo ki Amábí doman in nobogoi kon monia tua kon i-Nakó. Mosia in dinumuduidon kon singog i Amá.

SURAT I PAULUS KON JAMAAT RUM 1:8

Muna-munamai pongin i Yesus Kristus, akuoi mopoyaput in sukur moantó kon i Allah sin moiko in totok bidon in mopirisaya kon i Kristus.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

EPESUS 6:13

Manangka intua, tanaa, pakédon touḷut in parang nongkon i Allah sinbá kon singgai moraat naa, moiko in mokosanggup monayow aka tubuon in saturu mita. Bo bá naonda in moiko moparang dapot in mopaḷut, yo umuranpa motorindog bo moropot in moiko.

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

YAKOBUS 3:12

Utatku mita, pangkoi in ara diábí in sia mopomungai in zaitun, bo pangkoi in anggur diábí mopomungai in ara. Bokaká in tubig noibung diábí in sia mopoḷuai in tubig inta moḻiau.

PETRUS 1 4:12

Utat mita inta kotabiku! Tanaa in moiko mororiga totok sin ponungkuḷan kon i monimu. Táe dikabí moherang, naonda bo oyúon inta totok motoyang in nobaḻí kon inimu.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 14:12

Dá kon naa, umat i Allah inta motoindudui kon parenta-Nea bo mosatia kon i Yesus, musti Mokopotabá.

WAHYU 14:6

Noiduduimai kon tua akuoi in nokoontong kon tobatú malaekat ibanea inta iḷumayug noḷantud kon ḷangit. Malaekat tatua in nodia kon Habar Mopia inta mononoi sin poyaputon kon intau kon dunia naa bo kon bayongan bangusa, suku bahasa bo negara.

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.

WAHYU 17:2

Datu mita kon dunia naa ain nogaid kon inta mokotor takinnea, bo bayongan in intau kon dunia naa ain noḷoḷangu sin nonginum kon anggur inta ain kinotorannea.”

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

WAHYU 3:8

Kinotaauan-Kubí in onu inta inaidan monimu. Kinotaauan-Kubí kon ropot monimu in diábí tongonu; moiko ain dinumudui kon totundú-Ku bo motoindudui kon i-Nakó. Moiko in pinobukatan-Kudon kon tobatú ḷoḻingkop, inta diábí koḻingkopan i inekabí.

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

WAHYU 8:13

Bo akuoi in nokoontong bo nokodongog kon ḷagapan boniá tobatú inta iḷumayug noḷantud nomaḷú nanaa: “Mobodito! Mobodito! Moboditodon in bayongan intau kon dunia naa aka mokodongogdon kon malaekat taya toḷu ibanea in mogirup kon torompetnea!”