WAHYU 22:6 - Alkitab Singog In Mongondow Masa In Tanaa

⁶ Nopaḷut mako malaekat tatua in noguman kon inakó nanaa, “Singog mita tanaa in totuubí bo motaaubí pirisayaan. Ki Tuhan Allah inta nobogoi in Roho-Nea kon nabi mita, aindon nopotabá in malaekat sin mopoontong kon bobantung-Nea mita in onu inta ḷagidon mobaḻí.”

WAHYU 22:6 Iomraidhean Croise

KINOBAḺIAN 41:32

Togoindop i Tuang tua kodua nobaḻí, tua in mangaḻenea kon soaḷ tatua aindon sinantú i Allah bo ḷagidon aidan i Allah intua.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

DANIEL 6:22

Bo kinodongogandon in tubag i Daniel, “Mobiagdon in ki Tuangku modapot in mononoi!

MATIUS 13:41

Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

LUKAS 1:70

Ná inta ain pinodandi-Nea pinongin nabi-Nea mita inta ain piniḻí-Nea.

LUKAS 16:16

Hukum i Musa bo buk in nabi mita umuranpabí pinaké nodapot kon masa i Yohanes Mobobaptis. Bo pinangkoidon nongkon wakutu intua Habar Mopia kon naonda in ki Allah mamangoi momarenta saḷaku datu tantúdon pinotaau. Bo intau mita umuran moramuji totok sinbá mobaḻí umat i Allah.

OUMAN IN RASUL MITA 12:11

Bain nopaḷut mako kon tua bo kinotaauannea in onu inta bagupa nobaḻí kon inia, bo sia in noguman, “Tanaa mako in kinotaauankudon kon ki Tuhan in totu-totuubí nopotabá in malaekat-Nea moposaḷamat kon inakó nongkon kawasa i Herodes bo nongkon rupa-rupa inta moraat inta popoaid in intau in Yahudi kon inakó.”

OUMAN IN RASUL MITA 3:18

Táe natuabí in aid i Allah mogintompod kon onu inta ain pinotaau-Nea muna pinongin nabi-Nea mita inta kai-Nia, ‘Mopoposaḷamat inta pinotabá-Nea in musti mokorasa kon roriga.’

SURAT I PAULUS KON JAMAAT RUM 1:2

Habar Mopia tatua aindon pinodandi i Allah kon tungkuḷ intua inta pinongin nabi-Nea mita bo inta pinaisdon kon bonu in Buk Motusi.

KORINTUS 1 14:32

Totabi nongkon roho inta mopoyaput in habar nongkon i Allah tua in motaaubí atoron in intau inta nopoyaput in habar tatua.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

PETRUS 2 3:2

Bo umuranku doman anjuron mako sinbá tantú monorop kon onu inta ain pinoguman in nabi mita i Allah tungkuḷ intua bo moponorop doman mako kon parenta i Tuhan bo i Datu Mopoposaḷamat, inta ain pinotaau in rasul mita kon i monimu.

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”

WAHYU 21:5

Bo Sia inta iḻimitú kon tampat pomomarentaan tatua in noguman, “Tanaa komintandon binaḻí-Ku mobagu!” Sia in noguman doman kon inakó, “Paisdon in naa, sin singog mita tanaa in totuubí bo motaaubí pirisayaan.”

WAHYU 21:9

Noiduduimai kon tua noiangoidon in tobatú malaekat inta nongkon sigad in malaekat taya pitu inta nokadai kon palo mita inta nopuḻing in roriga pangabisan tatua. Sia in noguman kon inakó, “Igai! Poontong-Ku kon inimu in Nonikaan, tuata in ki buḷoi i Adí in Domba.”

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 22:7

“Tarukiradon in naa!” Guman i Yesus, “Akuoi in ḷagi bidon mamangoi. Koḷungangadon totok in intau inta umuran dinumudui kon singog mita inta pinotaau kon bonu in buk tanaa!”

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”