WAHYU 22:4 - Alkitab Singog In Mongondow Masa In Tanaa

⁴ Mosia in mokoontong kon pogot-Nea, bo tangoi-Nea in paisondon kon pogot monia.

WAHYU 22:4 Iomraidhean Croise

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

MAZMUR 42:2

Naonda bo rusa monanob kon tubig in ongkag, natuata in dimukudku monanob kon ini-Mu, o Allah.

YESAYA 33:17

Moiangoi in wakutunea moiko in mokoontong kon datu tobatú inta momarenta takin kamuliaan kon sinangkub in butá kon bayongan in tampat.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

YEHEZKIEL 33:23

Ki Tuhan in noguman kon inakó,

MATIUS 5:8

Pia in kamang in intau inta motuḻid in ginanea; sin mosia tua inta mokoontong kon i Allah.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

WAHYU 7:3

Malaekat tatua in noguman: “Donaaipa momoguyaat kon butá andeka kon dagat, ande pangkoi mita in kayu aka diápa kinompitan nami in meterai in pogot mita in intau inta ain nogaid kon oaidan mita i Allah naton.”